Berati TV

Analisti Mentor Kikia ka komentuar qëndrimin e kryeministrit Edi Rama ndaj protestave qytetare, duke argumentuar se kreu i qeverisë po përpiqet të ndryshojë fokusin e debatit publik dhe të shmangë kërkesat politike të protestuesve. Sipas Kikisë, Rama e ka pranuar se protesta ka ndikuar në klimën politike, por po përpiqet ta trajtojë atë jo si një kërkesë për ndryshim politik, por si një pakënaqësi sociale dhe ekonomike.

Një 39-vjeçar është arrestuar në Lezhë pasi dyshohet se shiste në argjendarinë e tij bizhuteri floriri dhe ora dore të markave luksoze, të cilat dyshohet se ishin të vjedhura jashtë shtetit dhe të kontrabanduara në Shqipëri. Policia e Lezhës ka finalizuar operacionin e koduar “Final O’clock”, në bashkëpunim me Prokurorinë, pas hetimeve të kryera nga specialistët e Seksionit për Hetimin e Krimeve Ekonomike dhe Financiare. Në pranga ka rënë shtetasi me iniciale A. M., 39 vjeç, banues në Lezhë.

Një epokë historike e futbollit botëror duket se po shkon drejt fundit. Sipas raportimeve të fundit, Cristiano Ronaldo pritet t’i japë fund karrierës së tij me kombëtaren portugeze pas ndeshjes së Ligës së Kombeve ndaj Uellsit, e programuar për më 24 shtator. Takimi do të zhvillohet në stadiumin “José Alvalade” të Sportingut në Lisbonë, pikërisht aty ku nisi rrugëtimin e tij drejt futbollit elitar.

Jasir Asani do të rikthehet tek Esteghlal. “Panorama Sport” mëson ekskluzivisht se palët kanë arritur marrëveshjen, që Asani të luajë sërish në Iran. Disa ditë më parë u raportua për prishjen e kontratës nga ana e Asanit. Ndërkohë situata ka ndryshuar dhe sulmuesi i Kombëtares do t’i bashkohet Esteghlalit. Rreth 850 mijë euro u paguan në verën e kaluar, për transferimin nga Guangju. Asani ndërkohë shënoi 13 gola, ndërsa regjistroi 29 paraqitje.

Një reagim i fortë ka ardhur nga Partia Demokratike Europiane, e cila ka ngritur shqetësime për trajtimin e protestuesve në Shqipëri gjatë tubimeve kundër projekteve të zhvillimit në zonat bregdetare. Në një deklaratë të publikuar prej saj, partia shkruan se një nënë mban në krahë djalin e saj autik, pasi protestuesit që mbronin bregdetin shqiptar u përballën me gaz lotsjellës dhe spraj djegës nga policia.

Trajneri i ri i Gjermanisë, Jurgen Klopp tha fjalët e para si trajner i kësaj kombëtarje. Rëndësia – “Është një nder i madh të jem ulur këtu sot. Ajo që më ka ndodhur këto ditët e fundit është si një film. Kisha një ide se sa e madhe është puna e trajnerit të ekipit kombëtar. Por kur je i lidhur me të, e ndjen edhe më shumë madhësinë dhe përgjegjësinë. Duke ditur se nga e nisa, ishte e paimagjinueshme për mua që do të vinte ndonjëherë kjo ditë. Është një ditë shumë e veçantë për mua.

Vijon situata e tensionuar në Roskovec, ku Refit Buzi ka refuzuar të dorëzohet te policia pas disa orësh negociatash. Sipas informacioneve paraprake, Buzi është futur brenda automjetit të tij dhe vijon rezistencën, ndërsa efektivët e policisë po përpiqen ta bindin. Në vendngjarje janë vendosur forcat speciale RENEA, të cilat prej disa orësh ndodhen në terren. Efektivë të pajisur me snajperë janë pozicionuar në zonë, ndërsa perimetri është rrethuar nga forcat e sigurisë.

Elliot Anderson është lojtari më i ri i Manchester Cityt. Lajmi është bërë publik nga klubi, nëpërmjet një postimi në rrjetet sociale.

Reshjet intensive të shiut që kanë përfshirë qarkun e Korçës kanë shkaktuar problemet e para. Një pemë është rrëzuar mbi trotuar në qytetin e Korçës duke bllokuar kalimin e këmbësorëve dhe duke krijuar rrezik për qytetarët. Pritet ndërhyrja e shërbimeve përkatëse për largimin e pemës dhe normalizimin e situatës.

I paprecedentë ishte akti i djeshëm që ndodhi teksa News24 raportonte live nga protesta para Kuvendit. Aktivisti Edison Lika teksa denonconte live dhunën e policisë ndaj protestuesve, u shoqërua dhunshëm dhe u fut në furgonin e policisë, për t’u lënë i lirë disa orë me vonë. Ai sot, ka treguar ngjarjen në fjalë, dhe detaje nga protesta e djeshme, ku u regjistruan disa incidente. Mes të tjerash Lika tha se nuk do të ketë negociata me Ramën, por do të pranohet vetëm dorëheqja e tij.