BroAber 360

Ym mis Mai 2025, cynhaliodd Côr Cardi-Gân noson ‘Côr-tastig Ceredigion 2025’ yn Ysgubor ‘Y Fuwch Fibis’, Llwyncelyn, ger Aberaeron. Roedd y noson yn gyfle i’r gymuned ddod ynghyd i fwynhau cerddoriaeth, canu a chystadlu mewn awyrgylch ysgafn, hwyliog a bywiog, yn dilyn llwyddiant y digwyddiad y flwyddyn cynt. HAHAV Ceredigion oedd elusen y flwyddyn i Gôr Cardi-Gân, a rhoddwyd holl elw’r noson tuag at yr elusen, ynghyd â’r arian a godwyd mewn dwy noson o ganu carolau o gwmpas y sir.

Unwaith iddynt fynd ar y blaen ar gymal Aberffrwd, bore Sadwrn, doedd neb yn mynd i ddal Kris Meeke a Noel O’Sullivan (Toyota GR Yaris) ddydd Sul. Ac yn wir ymestyn ei fantais wnaeth Meeke dros gymalau Gorsgoch a Thŷ Glyn i ennill yn gymharol gyfforddus. Roedd gwên lydan ar wyneb Meeke ar y podiwm bnawn Sul yn Aberystwyth ac fe ddwedodd mai dyma’r rali tarmac gorau mae wedi rasio.

Rhoddodd un camgymeriad gan Teemu Suninen ar gymal cyntaf bore Sadwrn y cyfle i Kris Meeke gamu i frig Rali Ceredigion unwaith eto. Ac am weddill y dydd adeiladodd Meeke ei fantais dros Suninen, sy’n ail, i ugain eiliad. Miko Marczyk o Wlad Pwyl sy’n drydydd, dros 27 eiliad o flaen un arall o wlad Pwyl sef Jakus Matulka. Ac eithrio damwain neu broblem fecanyddol, mae’n anodd gweld Suninen yn dal Meeke.

Wedi pedwar cymal o Rali Ceredigion, y gŵr o’r Ffinir Teemu Suninen, mewn Skoda Fabia RS, sydd ar y blaen nos Wener, gyda Kris Meeke mewn Toyota GR Yaris yn dyn ar ei sodlau. Dim ond 0.9 eiliad sydd rhwng y ddau. Roedd yr hen feistr, Kris Meeke, wrth ei fodd ac yn amlwg heb golli dim o’i ddoniau. Roedd y Gwyddel ar dân  ar gymal un a dau ar hyd Prom Aberystwyth. Gosododd yr amseroedd cyflymaf ar y ddau gymal (yn gydradd a Mabellini ar y cymal cyntaf) i arwain Rali Ceredigion.

Daeth cannoedd ynghyd ar y Prom yn Aberystwyth ar gyfer seremoni dechrau’r Rali ac i gael cipolwg ar y prif yrwyr a’u ceir. Roedd yn braf clywed acenion o bob rhan o Gymru, Prydain a thu hwnt yn paratoi i fwynhau cystadlu o’r radd flaenaf. Yn ogystal â’r frwydr i ennill y Rali, mae Rali Ceredigion yn rhoi cyfle i’r gyrwyr ennill pwyntiau tuag at nifer o bencampwriaethau. Gyda’r tymor yn tynnu tua’i derfyn, bydd cryn frwydro am bob pwynt.

Mae rhedeg 50km mewn diwrnod unwaith yn dipyn o her. Ond beth am y syniad o redeg y pellter hwnnw unwaith y dydd am gan niwrnod ar ôl ei gilydd? Dyna yw camp y cyn-chwaraewr rygbi proffesiynol David ‘Jacko’ Jackson wrth iddo ymweld ag Aberystwyth. Mae’n nesáu at ddiwedd ei her anhygoel, sydd wedi gosod record byd newydd – a chodi arian at elusennau haeddiannol yr un pryd. Gan gychwyn ar 29 Mai, ei nod gyda Mission IN-possible yw cwblhau’r her yng Nghaernarfon ar 5 Medi.

Dydd Iau nesaf (03/09/26) bydd bron i gant a hanner o yrwyr rali o ddeunaw o wledydd yn dod ynghyd yn Aberystwyth ar gyfer chweched Rali Ceredigion. Dewch i’r Prom ar brynhawn dydd Iau i gael blas o’r cyfan. Bydd cyfle i weld ceir rhai o’r prif yrwyr, cyfweliadau a sesiwn llofnodi gyda’r gyrwyr ac yna’r seremoni i ddechrau’r ras. Bydd y cyfan ar brynhawn Iau yn rhad ac am ddim gan ddechrau am 4:30pm.

Roedd hi’n wythnos hynod gyffrous a llwyddiannus i Arad Goch yn Eisteddfod Genedlaethol y Garreg Las, gyda chyfleoedd i gwrdd â’r cyhoedd, rhannu ein gwaith a chreu profiadau theatrig a chreadigol i gynulleidfaoedd o bob oed. 📆Dydd Llun – Arad Goch ar stondin y Llyfrgell Genedlaethol Dechreuodd yr wythnos yn wych gyda diwrnod prysur a bywiog ar stondin Llyfrgell Genedlaethol Cymru, fel rhan o’r sesiwn “Tu ôl i’r Llen – Holi a Sgwrsio – Arad Goch”.

Mae toriad yn y brif biben ddŵr yn Llangawsai wedi golygu fod y A44 wedi cau rhwng Llanbadarn Fawr ag Aberystwyth. Roedd ychydig o ddŵr i’w weld ar ymyl y ffordd ddoe (Iau) ond roedd lawer mwy o ddŵr yn gollwng ar draws y ffordd y bore ‘ma. Bellach mae gweithwyr wedi cyrraedd i drwsio’r biben. Mae’r fideo uchod yn dangos maint y dŵr sy’n gollwng o’r biben. Mae’r gweithwyr yn gobeithio y bydd y biben wedi ei drwsio cyn diwedd y dydd.

Ar ddiwrnod poeth iawn ynghanol Gorffennaf daeth dros 100 o gantorion o bob rhan o Gymru ynghyd ar y prom yn Aberystwyth i gydganu ac i godi arian i WaterAid.