fotbolti.net

Bandaríkin hafa þegar tryggt sér toppsæti riðilsins á meðan Tyrkland á ekki lengur möguleika á að komast áfram. Matt Turner kemur inn í mark Bandaríkjanna og þá fá nokkrir leikmenn tækifæri í byrjunarliðinu. Joe Scally, Auston Trusty, Miles Robinson, Mark McKenzie, Sebastian Berhalter, Brenden Aaronson, Gio Reyna og Timothy Weah koma allir inn í liðið. Christian Pulisic er á bekknum eftir að hafa misst af síðasta leik vegna meiðsla. Tyrkir gera einnig nokkrar breytingar á sínu liði.

Hollendingar unnu 3-1 skyldusigur á Túnis á Arrowhead-leikvanginum í Kansas City í Bandaríkjunum og tryggðu sér toppsætið í riðlinum með sjö stig. Þeir voru ekki lengi að koma sér í þægilega stöðu. Ellyes Skhiri varð fyrir því óláni að skora hrikalegt sjálfsmark strax á 3. mínútu þegar hann ætlaði að hreinsa fyrirgjöf Denzel Dumfries frá marki en þrumaði boltanum í eigið net. Brian Brobbey bætti við öðru marki á 7. mínútu.

26.06.26 - 00:28 Maeda fagnar marki sínu gegn Svíum Maeda fagnar marki sínu gegn Svíum Það hefur verið nóg um að vera síðustu mínútur í leikjum F-riðils heimsmeistaramótsins. Staðan er 1-1 í leik Japans og Svíþjóðar á meðan Holland er 3-1 yfir gegn Túnis. Eftir rólegan fyrri hálfleik komust Japanir yfir með frábæru marki á 56. mínútu. Ritsu Doan átti þá glæsilega sendingu inn á Daizen Maeda sem kláraði færið vel.

Paragvæ 2 - 2 Ástralía (02:00) Við sem dáðum Chilavert, skokkandi upp völlinn í markmannshönskunum sínum til að taka vítaspyrnur eða háskalegar aukaspyrnur, eigum stað í hjartanu fyrir Paragvæ. Núverandi lið hefur samt ekki náð að heilla. Paragvæ kemst tvisvar yfir en Ástralir jafna í bæði skiptin og herja út annað sætið í riðlinum.

Guðrún Arnardóttir og stöllur hennar í Hammarby björguðu stigi í 1-1 jafnteflinu gegn Piteå í sænsku úrvalsdeildinni í dag. Íslenska landsliðskonan var að venju í byrjunarliði Hammarby sem lenti undir eftir 28 mínútna leik. Hammarby sótti ákaft eftir jöfnunarmarki og fékk það tveimur mínútum fyrir lok venjulegs leiktíma þegar heimakonur settu boltann í eigið net. Markið dugði Hammarby þó ekki til að taka toppsætið af meisturum Häcken.

Áhorfendamet heimsmeistaramótsins féll þegar Ekvador vann frábæran 2-1 sigur á Þýskalandi og kom sér áfram í 32-liða úrslitin. Nú hafa rúmlega 3,6 milljónir áhorfenda mætt á leiki HM, sem haldið er í Bandaríkjunum, Kanada og Mexíkó. Fyrra metið var einmitt sett í Bandaríkjunum árið 1994, þegar tæplega 3,6 milljónir manna mættu á leikina. Það skal þó hafa í huga að aðeins 24 þjóðir tóku þátt á því móti og var það síðasta HM með því sniði. Í ár eru þjóðirnar 48 og þegar hafa 56 leikir verið spilaðir.

Túnis tapaði fyrsta leiknum gegn Svíþjóð, 5-1, og þjálfarinn var rekinn í kjölfarið. Herve Renard var fenginn til að rétta úr kútnum en fékk lítinn tíma til að undirbúa liðið fyrir leikinn gegn Japan, sem tapaðist 4-0. Nú er Túnis 2-0 undir gegn Hollandi eftir aðeins hálftímaleik. Fyrra markið var sjálfsmark frá Ellyes Shkiri, sem þrumaði boltanum í eigið net þegar hann reyndi að hreinsa frá. Brian Brobbey gerði síðan annað markið eftir að Túnis náði ekki að hreinsa aukaspyrnu almennilega frá.

Óskar Hrafn Þorvaldsson fór mjög hörðum orðum um Suður-Afríku eftir slaka frammistöðu liðsins gegn gestgjöfum Mexíkó í fyrstu umferð HM. Suður-Afríka fékk tvö rauð spjöld í þeim leik og kom sér í mjög erfiða stöðu í riðlinum. Liðið tók sig hins vegar saman í andlitinu, gerði jafntefli við Tékkland og vann síðan Suður-Kóreu í úrslitaleik riðilsins í lokaumferðinni. Í HM-stofunni mildaði Óskar gagnrýni sína og viðurkenndi að Suður-Afríkumenn væru ekki lengur „drasl“.

Fyrr í kvöld var greint frá því að Manchester City hefði náð samkomulagi við Nottingham Forest um kaup á Anderson. Þá var talað um 130 milljóna punda kaupverð sem hefði gert Anderson að dýrasta leikmanni í sögu ensku úrvalsdeildarinnar og slegið metið frá því í fyrra, þegar Liverpool keypti Alexander Isak frá Newcastle United fyrir 125 milljónir punda. David Ornstein hjá Athletic og Fabrizio Romano segja nú að kaupverðið sé 116 milljónir punda og að engar viðbótargreiðslur séu í samkomulaginu.

Mynd: Fótbolti.net - Haukur Gunnarsson Mynd: Fótbolti.net - Haukur Gunnarsson „Mér fannst leikurinn vera í jafnvægi í hálfleik en svo var mikið högg að fá þetta 2-0 mark á sig. Þegar leikurinn var enn í jafnvægi en eftir það förum við úr strúktúr sem hafði verið að ganga vel. Þeir þefa það uppi og refsa vel,“ sagði Höskuldur Gunnlaugsson, fyrirliði Breiðabliks, eftir 1-4 tap gegn Víkingi á Kópavogsvelli fyrr í kvöld. Lestu um leikinn: Breiðablik 1 - 4 Víkingur R.