framtida.no

Ungdoms dragning mot religion kjem av at unge i dag opplever kyrkja på ein ny måte, trur professor Tomas Sundnes Drønen ved VID vitenskapelige høgskole i Stavanger. – Ungdom i dag har ikkje den same berøringsangsten til kristendom som kanskje min generasjon hadde. Dei har eit meir ope sinn og har vorte oppdregne utan ein kristendom eller religion som dei oppfattar som negativ, seier han.

I år som i fjor har Jakob Dalland (18) sommarjobb i husdyrbruket ved Stend vidaregåande skule. Han gler seg over at Vestland fylkeskommune gir moglegheiter til unge. Stend vidaregåande skule, som mellom anna har ei line i naturbruk, har både kyr, sau og høns som må sjåast til gjennom heile året. – Det er ein veldig kjekk og variert jobb, seier Jakob Dalland på telefon til Framtida. Dalland er frå Tysnes, og går på friluftslivslina på Stend i Bergen.

Førre veke sa SV-leiar Kirsti Bergstø at ho ønskjer eit forbod mot smartbrillene fordi ho fryktar dei kan skape eit overvakingssamfunn. SU har støtta forslaget til moderpartiet. Også Forbrukarrådet ønsker ei utgreiing av eit slikt forbod. Skepsisen til smartbrillene dreier seg hovudsakleg om to ting. Det eine er at brillene vil bidra til ein overvakings- og snikfilmingskultur.

I ein artikkel i Nettavisen avfeier professor i statsvitskap, Hilmar Mjelde, sjansane tidlegare visepresident Kamala Harris har til å bli demokratane sin presidentkandidat i 2028. Det trur eg han har heilt rett i. Demokratane kjem truleg ikkje til å nominere den same kandidaten som tapte mot Trump ved det førre valet, ein gong til. I alle fall ikkje når dei har fleire klart betre alternativ å velje mellom. Best av dei alle er kongresskvinna Alexandria Ocasio-Cortez.

– Vi minner om dette fordi mange først oppdagar det når dei ser at halve lønna frå sommarjobben er trekt i skatt, seier avdelingsdirektør Christel Halsen i Skatteetaten i ei pressemelding. Alle som tener under 100 000 kroner i året, kan bruke frikort. Tener du meir enn dette, må du ha skattekort. Skatteetaten minner også om at feriepengar skal reknast med når ein vurderer kor mykje ein kjem til å tene i løpet av året. Har du fleire arbeidsgivarar, må du sjølv fordele frikortbeløpet mellom dei.

«Skal jeg fortelle deg hvordan du skal leve? Mot kjøreretningen. Selv om du blir kvalm. Gå på. Mot strømmen. Ikke dra dit flertallet drar. Dra bare dit du har lyst, på egne betingelser, om de så er feilslåtte, daudfødte. Det viktigste er at de er dine.» Mot kjøreretningen, med originaltittelen Tyłem do kierunku jazdyav den polske forfattaren Sylwia Chutnik, er ei fin historie om det å skilje seg ut i mengda, og å rett å slett ikkje passe inn, på godt og vondt.

Dei lokale styresmaktene i provinsen Aydin offentleggjorde 28. juni ein uttale der dei stadfesta at cruiseskipet, med 2000 skeive passasjerar, ikkje fekk komme i land i Kuşadası. Det skriv The Guardian. Uttalen sa at skipet var fylt med «grupper som er kjende for oppførsel som ikkje går overeins med strukturen i samfunnet vårt og dei moralske verdiane våre». Vidare hevda dei at det varsla besøket til cruiseskipet hadde skapt betydeleg offentleg bekymring.

Joshua Wong er tiltalt for å ha forsøkt å få utanlandske land og organisasjonar til å innføre sanksjonar og andre tiltak mot Hongkong og Kina. Påtalemakta meiner han dermed braut den omstridde tryggingslova som Kina innførte i Hongkong i 2020. Brot på lova kan i dei mest alvorlege tilfella straffast med livsvarig fengsel. Det er sett opp eit rettsmøte om skuldspørsmålet og straffeutmåling den 2. september, ifølgje Euronews.

Kristina Haley var den einaste som skreiv om dataspel då ho tok ein mastergrad i visuell kultur ved NTNU. I dag jobbar ho hos Hyper Games i Oslo. – Eg trur kanskje folk tenker at vi speler meir på jobb, enn det vi eigentleg gjer. Framtida møter Kristina Haley på kontoret til Hyper Games i Oslo. Ho jobbar som spelstudioet sin marketing og community manager. Korleis arbeidskvardagen ser ut for Kristina og dei andre tilsette, varierer etter kor nære dei er lansering av eit nytt spel.

Politikk og samfunn Medan USA feirar opprøret mot eineveldet, oppfører presidenten seg stadig meir som ein konge, skriv Sandra Edith Kalland Tenud. Dette er eit meiningsinnlegg og gjev uttrykk for skribenten sine eigne meiningar. På laurdag var det 250 år sidan USA erklærte seg uavhengig. Den amerikanske revolusjonen gav verda radikale idear om fridom, folkestyre og retten til å gjere opprør mot makta. Jubileet kunne vore ei feiring av desse ideala.