Lesarreportasje: Søndag 12. oktober vart Rosslandsvågen rotur gjennomført for andre år på rad. Ein «inneklemd» og etterlengta solrik haustdag etter ein lang periode med regndagar og lågtrykk på vent. IL Kvernbit si ro- og siglegruppe og Holsnøy kystlag står bak tiltaket, med invitasjon på Oppslagstavla for Rossland og i jungeltelegrafen. I år deltok sju robåtar og 32 personar, kor av 10 born. Den eldste var 77 år, og den yngste 1,5. Alle som ville fekk ro, unge og gamle.
