Is this you? As a journalist, you can create a free Muck Rack account to customize your profile, list your contact preferences, and upload a portfolio of your best work.
Claim your profile
Articles by Else Turi
Davviriikkaid ráđi girjjálašvuođabálkkašupmi Sigbjørn Skådenii
Davviriikkaid ráđđi geigii dál eahkedis bálkkašumiid, oktiibuot viđa suorggis: girjjálašvuođas, filmmas, musihkas, luonddus ja birrasis ja mánáid- ja nuoraidgirjjálašvuođas. Norgii manne buot bálkkašumit, ja Sigbjørn Skåden oaččui bálkkašumi sámi románainis «Láŋtdievvá». – Hui erenoamáš, imaš ja stuorra gudni, ja mearkkaša olu ahte oidnot olggobealde Sámi ja Norgga.
Sigbjørn Skåden vuittii Davviriikkaid ráđi girjjálašvuođabálkkašumi
Les på norsk. Girjji, mii almmuhuvvui giđđat 2025 ja mii maid lei evttohuvvon Brage-bálkkašupmái, lea sihke dáru ja sámi jury evttohan. Girji lea čállon sihke dárogillii ja duortnussámegillii. Dušše oktii ovdal lea sámi girječálli vuoitán dán bálkkašumi. Davviriikkaid ráđi girjjálašvuođabálkkašumi leat geigen 1962 rájes čáppagirjjálašvuođa girjeduodjái, mii lea čállon ovtta davvariikkalaš gillii.
Áiggošedje bissehit stáhta miljonbuođu: - Sáhttá vahágahttit min luosa
Les på norsk. Deanučázádaga guolástanhálddahusa stivra ii háliidivčče ruoššaluossabuođu Detnui boahtte áigodaga. Dan mearridii DG stivračoahkkimis duorastateahkeda. Sii oaivvildit luosa leat duođalaš dilis: – Dál lea luossa nu vánis ahte dat ii gierdda dakkár bivdovugiid, mat vahágahttet min luosa, dadjá DG-direktevra Olaf Trosten. Deanučázádaga guolástanhálddahusa direktevra Olaf Trosten ii hálit stáhta ruoššaluossabuođu Detnui 2027:s. Son oaivvilda doaibmabiju vahágahttit eambbo go dahká buori.
Sámediggi vuottáhalai stáhtii - fas
2023:s mearridii ráđđehus elektrifiseret Muolkkuid gássarusttega Hámmarfeasttas, mii Norggas lea oassin dálkkádatnuoskkideami unnideamis. Jagi maŋŋel vuolggahii Sámediggi ášši stáhta vuostá go oaivvildii mearrádusa lobiheapmen áššemeannudanmeattáhusaid geažil - ja ahte dan rihkkui sámelága. Sámedggii vuoittáhalai Oslo diggegottis, ja celkkii stáhta mearrádusa lobálažžan.
Heahtevuorká, maid Norga ii muitte: – Boazu ii dárbbaš elrávnnji iige náveha
2026 kl. 13:08 Vil ha nasjonalt selvmordsregister Regjeringen ønsker å opprette et varig register over personer som tar sitt eget liv innen for psykiatrien og rusbehandling. Forslaget sendes på høring i dag. I kartleggingen vil det blir samlet inn pasientopplysninger som krever dispensasjon fra taushetsplikten til helsepersonell. Dispensasjonen varer fram til 31. desember 2027, og vil ikke forlenges ytterligere.
Ambulánsamátki šattai stuorra geahččalussan: – Beanta máilmmeloahppan
Bieskenjárggas Kárášjoga dearvvašvuođaguovddážii leat dušše guokte miilla. Muhto dalle go Thorolf Bjørnback dárbbašii heahteveahki, de šattai badjel tiimma vuordit veahki ja 40 minuhta vel manai beassat dearvvašvuođaguovddážii. – Lei dego máilmmeloahppa leat dien biillas, dajai Thorolf. Fertii čohkkát olles mátkki Geainnus náittosguimmeža guoktá lusa leat nu olu čiekŋalis rokkit ahte ambulánsa ferte vuodjit sivvadit, muitaleaba soai.
Ambulánsamátki šattai stuorra geahččalussan: – Beanta máilmmeloahppan
Bieskenjárggas Kárášjoga dearvvašvuođaguovddážii leat dušše guokte miilla. Muhto dalle go Thorolf Bjørnback dárbbašii heahteveahki, de šattai badjel tiimma vuordit veahki ja 40 minuhta vel manai beassat dearvvašvuođaguovddážii. – Lei dego máilmmeloahppa leat dien biillas, dajai Thorolf. Fertii čohkkát olles mátkki Geainnus náittosguimmeža guoktá lusa leat nu olu čiekŋalis rokkit ahte ambulánsa ferte vuodjit sivvadit, muitaleaba soai.
Árrat láddagoahtán luopmánat: – Vuosttaš geardde lean dán vásiheamen
– Dát ii leat čiegus luomebáiki, lohká Alvin Vuolab. NRK deaivvada suinna guovdu luomejeakki Gámehisnjárggas Kárášjogas. Son lea lubmen dan rájes go lei 10-jahkásaš. Leat jo šaddan badjel 50 luomeáigodaga. – Jos čoakkán guokte-golbmalot kilo, de birgen boahtte luomeáigái, dadjá Vuolab. Dát hárjánan lubmejeaddji lea dál jeakkis iskamin man muttos dál leat luopmánat. Dáid gal ferte čoaggit ovdal go muđui láve leat dábálaš. Go jeaggái vuolgá, de gánnáha smiehttat maid coggá badjelii.
Oaivvilda Førdefjorden-duomu váikkuhit Riehpovutnii
Luonddugáhttenorganisašuvnnat illudedje go Alimusriekti geassemánu 17. beaivvi celkkii ahte ruvkebázahusaid luoitinlohpi Førdefjordenii lea EU čáhcedirektiiva vuostá, ja lea danin fámoheapme. Dál oaivvildit máŋggas ahte duopmu váikkuha plánejuvvon vutniivurkemii Riehpovuonas. – Jurddašan ahte Riehpovuona prošeakta lea seamma eahpesihkar go Vevringa prošeakta. Nordic Miningii addojuvvon lohpi lea njuolga vižžojuvvon Nussir ASA:i, dadjá Luonddu ja Nuoraid jođiheaddji Sigrid Hoddevik Losnegård.
Ain guovtte oaivilis Iksnášši nama hárrái
Les på norsk. Galggašii go Iksnášši gielddas leat almmolaš sámi namma? Dan dat gielddastivrračoahkkimis digaštalle mannan vahkus. Dán ášši leat politihkalaččat meannudan máŋgga geardde ovdal almmá mearritkeahttá maidege. – Dán goazaheami leat vásihan jo 13 jagi, dadjá Iksnášši sámesearvvi jođiheaddji Rose Mari Martinsen. Eai leat ovtta oaivilis das ahte galgá go Øksnes kommunes dahjege Iksnášši gielddas leat maiddái almmolaš sámi namma.
Direktevrii máksui bálká ruovttomátkkiid ovddas
Sámediggedirektevrii Inger Marit Eira-Åhrénii lea hui dábálaš johtit Trøndelága ja Finnmárkku gaskka. Direktevra mátkki bargui sáhttá dávjá vuolgit togain Snåases Tråantii, ja das girdiin Bådåddjoi ja Romsii ja de Levdnjii, ja das vel tiibmosaš vuodjinmátki Kárášjohkii. Dán gaskka son ádjána sullii čieža gávcci diimmu ovtta guvlui, čájehit dieđut maid NRK lea oaidnán. Su šiehtadusas daddjo ahte Sámediggi máksá eanemusat 12 mátkki ruoktot jahkái. Dát lea liigebuorri mii direktevrras lea.
Norgga buoremus 15-jahkásaš gollegoikkus Kanádas: – Olympiagilvvut leat jurdagis
Mannan vahkus čuččodii Jåvva Mathias Lemet Kalstad Bjørgård bajimusas medálljajuogedettiin Hovedlandsrennet-gilvvuin. Maŋŋebárgga lei ges birgetmeahttun 7,5 kilomehtera árbevirolaš oktasašvuolggačuoigamis. Go molasárgá rasttidii, de čájehii mihttár 23 ceahki buollaša. – Lea hui buorre dovdu leat falimus čuoigiid searvvis Norggas. Dáppe Kanádas lea veahá eará láhkai go ruovttus. Buollašat ja earálágan láhtut, muhto manná bures, dadjá Jåvva.
Ođđasis loktet Kárášjohášši: Gilisearvvit dáhtošedje oamastit gieldda
Nággu, mas dán rádjai leat advokáhttagolut máksán 49 miljovnna kruvnna, loktejuvvo ođđasis diggái. Njeallje vahku golggotmánus lea Meahcceduopmostuollu várren dán áššái. Álgoálggos gáibidedje ássit oamastanvuoigatvuođa 5361 njealjehaskilomehtera sturrosaš guvlui. Viidodaga dáfus dat lea seamma stuoris go Akershus fylka. Báikki olbmot háliidedje ieža mearridit luondduriggodagaid hárrái ja doalahit iežaset duohken sisaboađu.
Sámi gielddat rahčet ekonomalaččat: - Dalle gal fertet hutkat juoidá
Dál leat dieđihan ahte gieldaekonomiija miehtá riikka lea heajos dilis. Juohke sajis muitalit ahte rahčet ekonomalaččat. Maiddái sámi gielddat. Danne fertejit seastit ja hutkáivuohta lea dávjá čoavddusin. – Ahte fertejit dahkat váttes válljejumiid boahttevuođas, dan jáhkán buohkat áddejit, dadjá Gielddasuorggi organisašuvnna guovlluhoavda Bente Larssen. Dákkár dilis leat gielddas Buot 13 gieldda dieđihit gáibideaddji ruhtadili divrrasáiggiid.
Graveniid lea gođđán 40 jagi – ii oaččo Sámedikkis doarjaga
Graveniid AS lea gođđán, gorron ja obben sámihámat biktasiid 40 jagi. Dattetge eai oaččo ruhtadoarjaga Sámedikkis. Dan dat eaiggát Marit Guttorm Graven atná imašin. – Livččii leamaš buorre jos sáhtášedje čilget manne duodjemearkka addet muhtumiidda, muhto muhtumiidda eai. Graveniid Dujiin, ovddeš namma, lei duodjemearka ja ožžo doaibmadoarjaga, muhto go Sámedikki doarjjaortnega nuppástuhtte, de nogai maid doarjja dasa.
Sandra Andersen Eira (38) lea áhpeheapme soahtešiljus
Sandra lea sámediggepolitihkkár, guhte manai Ukrainai soahtat. Dál sus lea stuorámus áššin joavdat Norgii riegádahttináigái. Go Zelenskyj rabai vejolašvuođa oarjemáilbmái soahtat veahkkin, de njuikii Sandra Andersen Eira (38) vuosttaš girdái. Golbma jagi lea Sandra leamaš vierissoahttin Ukrainas. Beaivválaš dilli lea báhčin, jápmin ja moivi. – Juohke beaivvi lea mis mihttun ahte heakkas beassat. Ii mis leat bosihanbodda, muitala Sandra.
Aktivistaváibmu gal ii goassege bisán
Studeanttat leat ráhkkaneamen geasselupmui, ja Elise gis dubmejuvvot. Son sáhttá dubmejuvvot Alimusrievttis. Muhto Elise áŋgiruššan datte duvdá balu eret. Les på norsk. Elise Sørensen (22) lea aktivista. NRK deaivvada Álttá nieiddain moadde tiimma ovdalgo son vuolgá Osloi. Diggeáššit dán rádjai leat gáibidan olu návccaid sus. – Lea hui ártet leat Alimusrievttis ja áššáskutton go mii han leat doppe danne go bealuštišgođiimet alimusriekteduomu, dadjá Elise.
Alimusriekti: Fovse-akšunisttat eai sáhte ráŋggáštuvvot
Dan čállá Alimusriekti preassadieđáhusas bearjadatiđida. Das cealká riekti ahte ráfálaš miellačájehemiid sáhttá ráŋggáštit dušše dalle go leat erenoamáš ákkat dasa. Dán oktavuođas leat vuostálastit meannudan ráfálaččat ja čábbát, ja akšuvdna ii leat muosehuhttán eambbo go leamaš dárbu oažžut ovdan oaiviliid, ja áššáiduhtton nuorain eai lean eará molssaevttolaš vuogit mo čájehit iežaset oainnu ja mat livčče muosehuhttán unnibut ja seammás leat beaktilat, čállá Alimusriekti.
Agnete Saba guovttos Matomain leaba dán jagi BlimE-artisttat
Les på norsk. Lea oainnat nu ahte NRK deaivvada Agnete Sabain davvin 71 grádas. Son lávluge dán jagi BlimE-lávlaga «Være med» ja «Vuolgge mielde», maid Matoma lea ráhkadan. Dalle go ođđa BlimE-artisttas jerrojuvvui vuolggášii go mielde, de jurddašii: – Mu álgojurdda lei dákkár: Ingo mun leat menddo boaris dása? Muhto dieđus in leat, čaibmá Agnete. BlimE lea NRK Supera ustitvuođakampánnja. Dán jagi lea das 15 jagi ávvudeapmi.
Stáhta geaidnodoaimmahat rihkui kulturmuitolága go geađgelána vuollái jávistedje geađgeáiggi duktása
Les på norsk. Dát geavai divodettiin E69-geainnu Fástanjárgga buohta Porsáŋggus 2023:s. Divodanbargguid oktavuođas bávkaledje ja njulgejedje bávtti mii lei geaidnoguoras. – Geađgehivvodagaid, mat bávtti njulgedettiin šadde, daid dolvo meara beallai geainnu, gos lei geađgeáiggi duktásadji. Dan čállá Finnmárkku politiijaguovllu politiijaadvokáhta Bjørn Erik Aune Hansen preassadieđáhusas.
Sámi Grand Prix: Ná sáhtát jienastit
Les på norsk. Prográmma sáhtát maiddái neahtas geahččat. Jos prográmma áiggožat geahččat Norggas, mana de NRK TV:i. Jos leat Ruoŧas dahje Suomas, de dat oidno SVT Playas ja YLE Arenas. Dát musihkkadoalut leat Báktehárjjis Guovdageainnu suohkanis Finnmárkkus. Dás gulat juohke musihkkabihtás veahá: Mo jienastat? Norggas jienastat SMS (teakstadieđu) bokte, ja don fertet geavahit norgga nummara jienastettiin. Gilvvuin leat guokte oasi: lávlunoassi ja juoiganoassi, ja goappašagain jienastuvvo vuoiti.
Unnitlogugielat mánáin lea váttis beassat dikšomátkái
Mia Carina viđajahkásaš mánná ii beassan vuos álggos vuolgit dikšomátkái go mánná ii máhte dárogiela, juoga maid Oslo Universitehtabuohcceviessu gáibida. Buohcceviessu dattetge loahpaloahpas suovai etneš guovtto vuolgit, muhto deattuhedje ahte sudnos ferte leat duođaštus ahte mánná máhttá dárogiela boahttevaš mátkkiin. Sámediggeráđđi Runar Myrnes Balto ja dásseárvo- ja vealahanáššiid áittardeaddji Bjørn Erik Thon moitet dán.
Anmeldelser og anbefalinger
Les anmeldelsen på norsk. Davvi-Norgga dáiddamuseai lea dehálaš dáhpáhus go dál viimmat rahpet ođđa ossodaga Bådåddjoi. Dan rájes go dat vuođđuduvvui 1985:s, de lea Romsa leamaš ásahusa váldobáikin – ja maŋŋá maiddái ásahedje ossodagaža Longyearbyenii. Dát masá ollásit stáhtalaš ruhtaduvvon dáiddamusea galgá ovddastit buot golbma Davvi-Norgga fylkka, ja dál lea de áigi ahte maiddái Nordlánda ja Bådåddjo oažžu sierra báikki.
Show More
loading
Actions
Is this you?
As a journalist, you can create a free Muck Rack account to customize your profile, list your contact preferences, and upload a portfolio of your best work.Get in touch with Else
Contact Else, search articles and posts on X, monitor coverage, and track replies from one place.
Learn more about Muck Rack