Deshdoot

नाशिक | प्रतिनिधी Nashik आडगाव येथील भूसंपादन प्रकरणात न्यायालयाने नाशिक महापालिकेला मोठा धक्का दिला आहे. जमीनमालकाला मंजूर झालेला सुमारे १८ कोटी रुपयांचा वाढीव मोबदला अदा न केल्याने महापालिकेचे बँक खाते सील करण्याचे निर्देश न्यायालयाने दिले आहेत. मौजे आडगाव येथील गट क्रमांक ७७२/१/२/४ आणि ७७२/१/२/५ या जागांच्या भूसंपादनासाठी जमीनमालकाला यापूर्वी २०.४० कोटी रुपयांचा मोबदला देण्यात आला होता. त्यानंतर वाढीव मोबदल्यासाठी राजेंद्र देवराम जाधव यांनी न्यायालयात दावा दाखल केला.

​दिंडोरी | प्रतिनिधी Dindori मजुरीचे पैसे दिले नाहीत या रागातून एका २९ वर्षीय तरुणाच्या डोक्यात धारदार हत्याराने वार करून त्याचा खून केल्याची धक्कादायक घटना दिंडोरी तालुक्यातील गोळशी येथे घडली आहे. योगेश रघुनाथ लहांगे (वय २९, रा. गोळशी) असे मृत तरुणाचे नाव आहे. याप्रकरणी दिंडोरी पोलीस ठाण्यात गुन्हा दाखल करण्यात आला असून पोलिसांनी दोन संशयित आरोपींना अटक केली आहे. ​फिर्यादी अशोक रघुनाथ लहांगे यांनी दिलेल्या तक्रारीनुसार, १७ ऑगस्ट रोजी सायंकाळी ६ वाजता मजुरीच्या पैशांच्या देण्याघेण्यावरून वाद झाला.

मुंबई / प्रतिनिधी Mumbai कृत्रिम बुद्धीमत्ता अर्थात एआय आधारित स्मार्ट गाॅगल्स, चष्मे अशा वस्तूंमुळे सुरक्षेसह नागरिकांच्या गोपनीयतेबाबत प्रश्नचिन्ह निर्माण झाले आहेत. या वस्तुंमुळे निर्माण होणाऱ्या संभाव्य धोक्याचे मूल्यमापन करणे आणि त्यांच्या वापराबाबत मानक कार्यप्रणाली (एसओपी) तयार करण्याचा निर्णय राज्य सरकारने घेतला आहे. त्यासाठी महाराष्ट्र राज्य सायबर गुन्हे समन्वय केंद्राचे प्रमुख अतिरिक्त पोलीस महासंचालकांची एक सदस्यीय समिती नेमण्याचा निर्णय राज्य सरकारने घेतला आहे.

मुंबई । प्रतिनिधी Mumbai महात्मा ज्योतिबा फुले यांच्या द्विशताब्दी जयंती वर्षानिमित्त राज्य सरकारच्या वतीने महात्मा ज्योतिबा फुले यांचे  समग्र वाङमय हिंदी, सिंधी, गुजराती, संस्कृत, तेलुगु, बंगाली आणि गोर बंजारा या सात भाषांमध्ये अनुवादित करण्यात येईल, अशी घोषणा सांस्कृतिक कार्य मंत्री आशिष शेलार यांनी गुरुवारी येथे केली. राज्य सरकारच्या सांस्कृतिक कार्य विभागांतर्गत हिंदी, सिंधी, गुजराती, संस्कृत, तेलुगु, बंगाली आणि गोर बंजारा या भाषांसाठी साहित्य अकादमी कार्यरत आहेत.

मुंबई | Mumbai राज्यभरात अन्न व औषध प्रशासनाने (FDA) भेसळखोराविरोधात मोठी मोहीम उघडली असून, अ‍ॅनालॉग पनीर आणि शाळांच्या कँटीन मेन्यू बदलानंतर आता प्रशासनाने आपला मोर्चा खाद्यतेल विक्रेत्यांकडे वळवला आहे. ‘सेव्ह फूड, सेव्ह ड्रग, सेव्ह महाराष्ट्र’ या अभियानांतर्गत राज्यात सुट्ट्या (खुल्या) खाद्यतेलाच्या विक्रीवर कठोर बंदी घालण्याचे आदेश एफडीए आयुक्त तुकाराम मुंढे (Tukaram Mundhe) यांनी दिले आहेत.

नाशिक | Nashik महाराष्ट्र महानगरपालिका (Municipal Corporation) अधिनियमातील तरतुदींनुसार नाशिक महानगरपालिकेच्या पाच प्रमुख विषय समित्यांच्या सदस्यांची बिनविरोध निवड करण्यात आली आहे. यामध्ये महिला व बाल कल्याण समिती, शहर सुधारणा समिती, वैद्यकीय व साहाय्य समिती, विधी समिती आणि शिक्षण समिती या प्रत्येक समितीसाठी प्रत्येकी ९ सदस्यांची निवड निश्चित करण्यात आली आहे. महानगरपालिकेचे कामकाज अधिक गतिमान करण्यासाठी आणि शहराच्या विकासाला गती देण्यासाठी या समित्यांचे (Committees) गठन महत्त्वपूर्ण मानले जात आहे.

नाशिक । प्रतिनिधी | Nashik यूपीए सरकारच्या (UPA Government) काळातील ‘जवाहरलाल नेहरू नागरी पुनरुत्थान योजना’ बंद करून मोदी सरकारने (Modi Government) त्याला ‘स्मार्ट सिटी’ असे नाव दिले. मात्र, स्मार्ट सिटीच्या नावाखाली नाशिक शहराचे (Nashik City) पूर्णपणे विद्रूपीकरण झाले असून, सरकारचे लक्ष केवळ ४० टक्के कमिशनवर केंद्रित असल्याचा घणाघाती आरोप माजी मुख्यमंत्री तथा ज्येष्ठ काँग्रेस नेते पृथ्वीराज चव्हाण यांनी केला.

नवी दिल्ली वृत्तसंस्था | New Delhi शिवसेना पक्ष आणि चिन्हाबाबत सर्वोच्च न्यायालयात सुरू असलेल्या सुनावणीदरम्यान आज उद्धव ठाकरेंच्यावतीने ज्येष्ठ वकील देवदत्त कामत यांनी युक्तिवाद केला असून, आमदारांना अपात्र ठरवण्यासाठी सर्वोच्च न्यायालयाला असलेल्या अधिकारांबाबत युक्तिवादारदम्यान मोठे भाष्य केले आहे. आमदारांना अपात्र करण्याचा अधिकार केवळ विधानसभा अध्यक्षांनाच नाही, न्यायालयही काही प्रकरणांमध्ये आमदारांना अपात्र करू शकते, असा युक्तिवाद करण्यात आला.

नाशिक | प्रतिनिधी | Nashik लढाईची वेळ आली की शेपूट घालण्याची भूमिका चालणार नाही. पक्षाकडून प्रत्येक विषय कार्यकत्यांना दिला जाईल आणि त्यावर प्रत्यक्ष मैदानात उतरून काम करावे लागेल, असा स्पष्ट इशारा भाजपचे प्रदेशाध्यक्ष रवींद्र चव्हाण (Ravindra Chavan) यांनी कार्यकत्यांना दिला.

नाशिक | प्रतिनिधी | Nashik पंचवटी पोलीस ठाण्यासमाेरील (Panchvati Police Station) मायकाे दवाखाना, फुलेनगर, मुंजाबाबा चौक परिसरात भालेराव, महाले आणि मोरे गँगने पुन्हा एकदा डोके वर काढले आहे. मकोका लागलेला सराईत गुन्हेगार (Criminal) जय संतोष खरात याने साथीदार जय उर्फ टिंगऱ्या मोरे व इतरांनी पेठ रोडवरील मरी माता मंदिराजवळ १७ ऑगस्टच्या रात्री १० वाजता तुफान राडा घालत परिसरात दहशत माजवली. पार्टीसाठी पैसे देण्यास नकार दिल्याने दोघा तरुणांना कोयत्याचा धाक दाखवून, दगडाने मारहाण करलुटमारीचा प्रयत्न केला.