Siraj Daily

തിരുവനന്തപുരം | ദേശീയ സുരക്ഷയുടെ മറപിടിച്ച് കേന്ദ്ര ആഭ്യന്തര മന്ത്രാലയം രൂപീകരിച്ചിട്ടുള്ള ജനസംഖ്യാ വ്യതിയാന സമിതി (High Level Committee on Demographic Changes), രാജ്യത്തെ സെൻസസ് നടപടികളെ അട്ടിമറിക്കാനും ജനങ്ങൾക്കിടയിൽ വർഗീയ ധ്രുവീകരണം ഉണ്ടാക്കാനുമുള്ള രാഷ്ട്രീയ നീക്കമാണെന്ന് പ്രതിപക്ഷ നേതാവ് സ പിണറായി വിജയൻ പ്രസ്താവനയിൽ പറഞ്ഞു. ജൂൺ 13 ന് കേന്ദ്ര ആഭ്യന്തരമന്ത്രിയുടെ അധ്യക്ഷതയിൽ നടന്ന യോഗം ജനസംഖ്യാ വ്യതിയാന സമിതിയുടെ പ്രവർത്തനം വിലയിരുത്തുകയുണ്ടായി.

ജോര്‍ജിയ | ലോക റാങ്കിംഗിലെ മൂന്നാം സ്ഥാനക്കാരും യൂറോപ്യന്‍ ചാമ്പ്യന്മാരുമായ സ്‌പെയിനിനെ കാല്‍പ്പന്തു കളിയിലെ കുഞ്ഞന്മാരായ കേപ് വെര്‍ദെ ഗോള്‍രഹിത സമനിലയില്‍ കുരുക്കിയപ്പോള്‍ നിറഞ്ഞുനിന്നത് ഒരു 40കാരന്റെ നാമം. ആദ്യമായി ലോകകപ്പില്‍ കളിക്കുന്ന കേപ് വെര്‍ദെ ജയത്തോളം പോന്ന സമനില സ്വന്തമാക്കിയപ്പോള്‍ ടീമിന്റെ ഗോള്‍വല കാത്ത വെറ്ററന്‍ താരം വൊസിഞ്ഞയാണ് ഇപ്പോള്‍ ഫുട്‌ബോള്‍ ലോകത്തെ ആരാധനാ പാത്രമായി മാറിയിരിക്കുന്നത്. കളിയിലെ താരമായും വൊസിഞ്ഞ തിരഞ്ഞെടുക്കപ്പെട്ടിരുന്നു.

ന്യൂയോർക്ക് | എക്സിന്റെ പ്രധാന എതിരാളിയായ മെറ്റയുടെ സോഷ്യൽ മീഡിയ പ്ലാറ്റ്‌ഫോം ത്രെഡ്‌സ് പ്രതിമാസ സജീവ ഉപയോക്താക്കളുടെ എണ്ണത്തിൽ 50 കോടി (500 മില്യൺ) എന്ന നാഴികക്കല്ല് പിന്നിട്ടു. കഴിഞ്ഞ 10 മാസത്തിനുള്ളിൽ 10 കോടി പുതിയ ഉപയോക്താക്കളെയാണ് ത്രെഡ്‌സ് സ്വന്തമാക്കിയത്. 2025 ഓഗസ്റ്റിൽ 40 കോടി ഉപയോക്താക്കളായിരുന്നു പ്ലാറ്റ്‌ഫോമിനുണ്ടായിരുന്നത്. ഈ നേട്ടത്തോടൊപ്പം ഉപയോക്താക്കൾക്കായി ഒട്ടനവധി പുതിയ ഫീച്ചറുകളും ത്രെഡ്‌സ് പ്രഖ്യാപിച്ചിട്ടുണ്ട്.

കോഴിക്കോട് |  ദുൽഹിജ്ജ 29 (ഇന്ന് ചൊവ്വ) മുഹർറം മാസപ്പിറവി കണ്ടതായി വിശ്വസനീയ വിവരം ലഭിച്ചതിനാൽ നാളെ (ജൂൺ 17 ബുധൻ) മുഹർറം ഒന്നും അതനുസരിച്ച് താസൂആഅ്, ആശൂറാഅ് (മുഹർറം 9,10) ജൂൺ 25, 26 വ്യാഴം, വെള്ളി ദിവസങ്ങളിലായിരിക്കുമെന്ന് സംയുക്ത മഹല്ല് ജമാ അത്ത് ഖാസിമാരായ കാന്തപുരം എ പി അബൂബക്കർ മുസ്ലി യാർ, സയ്യിദ് ഇബ്റാഹീമുൽഖലീൽ അൽബുഖാരി എന്നി വർ അറിയിച്ചു. Content Highlights: The Muharram moon has been sighted in Kerala marking the start of the Islamic New Year on Wednesday June 17.

ഗാന്ധിനഗര്‍ | സൂര്യനെല്ലിയില്‍ കാട്ടാനയുടെ ആക്രമണത്തില്‍ മരിച്ച മാരിയുടെ രണ്ട് മക്കള്‍ക്കും രണ്ടര ലക്ഷം രൂപ വീതം ഫിക്‌സഡ് ഡിപ്പോസിറ്റ് ചെയ്തതായും കുട്ടികള്‍ക്ക് 18 വയസ്സ് വരെ എല്ലാ സംരക്ഷണവും നല്‍കുമെന്നും വനം മന്ത്രി ഷിബു ബേബി ജോണ്‍. കാട്ടാന ആക്രമണത്തില്‍ പരുക്കേറ്റ് കോട്ടയം മെഡിക്കല്‍ കോളജ് ആശുപത്രിയില്‍ ചികിത്സയില്‍ കഴിയുന്ന രക്ഷനെ (11) സന്ദര്‍ശിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. മാരിയുടെ മക്കളായ രക്ഷന്റെയും രക്ഷിണയുടെയും പഠന ചെലവ് സര്‍ക്കാര്‍ വഹിക്കും.

കോഴിക്കോട് | കാഫിര്‍ സ്‌ക്രീന്‍ ഷോട്ട് കേസില്‍ ഡി വൈ എഫ് ഐ നേതാവ് അറസ്റ്റില്‍. സംഘടനയുടെ വടകര ബ്ലോക്ക് കമ്മിറ്റിയംഗം ജിതിന്‍ ഭാസ്‌കര്‍ ആണ് അറസ്റ്റിലായത്. ‘വടകര സ്‌ക്വാഡ്’ എന്ന വാട്‌സ്ആപ്പ് ഗ്രൂപ്പിന്റെ അഡ്മിന്‍ കൂടിയാണ് ജിതിന്‍. കേസിലെ ആദ്യ അറസ്റ്റാണിത്. കേസ് അന്വേഷിക്കുന്ന പ്രത്യേക അന്വേഷണ സംഘമാണ് ജിതിന്‍ ഭാസ്‌കറെ അറസ്റ്റ് ചെയ്തത്. അന്വേഷണ സംഘം നേരത്തെ ജിതിന്‍ ഭാസ്‌കറിനെ ചോദ്യം ചെയ്ത് വിട്ടയച്ചിരുന്നു. ഇന്ന് വീണ്ടും വിളിച്ച് വരുത്തി അറസ്റ്റ് രേഖപ്പെടുത്തുകയായിരുന്നു.

ന്യൂഡൽഹി | നീറ്റ് യു ജി പുനഃപരീക്ഷക്ക് മുന്നോടിയായി രാജ്യത്ത് താൽക്കാലികമായി ടെലിഗ്രാം ആപ്പ് നിയന്ത്രിക്കാൻ കേന്ദ്ര ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയം ഉത്തരവിട്ടു. നാഷണൽ ടെസ്റ്റിംഗ് ഏജൻസിയുടെ ശുപാർശയെത്തുടർന്നാണ് മെയ്റ്റി ജൂൺ 22 വരെ ടെലിഗ്രാമിന് നിയന്ത്രണം ഏർപ്പെടുത്തിയത്. അതേസമയം മറ്റൊരു ജനപ്രിയ ആപ്പായ വാട്സ്ആപ്പിനെ ഈ നടപടിയിൽ നിന്ന് ഒഴിവാക്കിയിട്ടുണ്ട്.

തിരുവനന്തപുരം | കന്യാകുളങ്ങരയില്‍ പ്രണയം നിരസിച്ച പെണ്‍കുട്ടിയെ യുവാവ് കുത്തിപ്പരുക്കേല്‍പ്പിച്ചു. കന്യാകുളങ്ങര കൈതറക്കോണം സ്വദേശിനിയും പ്ലസ് ടു വിദ്യാര്‍ഥിനിയുമായ സൈന (16) ക്കാണ് കുത്തേറ്റത്. പനവൂര്‍ സ്വദേശി സഹദാണ് (21) കുത്തിയത്. ഇന്ന് ഉച്ചക്ക് ഒരുമണിയോടെയായിരുന്നു സംഭവം. കൃത്യത്തിനു ശേഷം സംഭവസ്ഥലത്തു നിന്ന കടന്നുകളഞ്ഞ ഇയാളെ പോലീസ് തിരഞ്ഞുവരികയാണ്. കഴുത്തിനും മുതുകിലും വയറ്റിലും കുത്തേറ്റ പെണ്‍കുട്ടി മെഡിക്കല്‍ കോളജ് ആശുപത്രിയില്‍ ചികിത്സയിലാണ്. പരിക്കുകള്‍ ഗുരുതരമല്ലെന്നാണ് വിവരം.

ന്യൂഡൽഹി | പ്രമുഖ സ്മാർട്ട്ഫോൺ നിർമാതാക്കളായ ആപ്പിൾ തങ്ങളുടെ ഐഫോൺ റിലീസ് തന്ത്രങ്ങളിൽ വലിയ മാറ്റത്തിനൊരുങ്ങുന്നതായി റിപ്പോർട്ടുകൾ. മുൻ വർഷങ്ങളിൽ നിന്ന് വ്യത്യസ്തമായി ഈ വർഷം സെപ്റ്റംബറിൽ സ്റ്റാൻഡേർഡ് ഐഫോൺ 18 വിപണിയിൽ എത്തില്ലെന്നാണ് സൂചന. പകരം പ്രീമിയം മോഡലുകളായ ഐഫോൺ 18 പ്രോ, ഐഫോൺ 18 പ്രോ മാക്സ് എന്നിവയും ആപ്പിളിന്റെ ആദ്യ ഫോൾഡബിൾ ഐഫോണും മാത്രമായിരിക്കും സെപ്റ്റംബറിൽ പുറത്തിറക്കുക.

കോഴിക്കോട് | കോഴിക്കോട് ജില്ലയില്‍ വീണ്ടും മലേറിയ സ്ഥിരീകരിച്ചു. ഒളവെണ്ണ സ്വദേശിക്കാണ് മലേറിയ ബാധിച്ചതായി കണ്ടെത്തിയത്. ചുമട്ടുതൊഴിലാളിയായ 63കാരനാണ് അസുഖം ബാധിച്ചത്. ഇദ്ദേഹത്തെ ബീച്ച് ആശുപത്രിയില്‍ പ്രവേശിപ്പിച്ചു. പനിയെ തുടര്‍ന്ന് സ്വകാര്യ ആശുപത്രിയില്‍ ചികിത്സയിലായിരുന്നു ഇയാള്‍ക്ക് അസുഖം ഭേദമാകാത്തതിനെ തുടര്‍ന്ന് നടത്തിയ പരിശോധനയിലാണ് മലേറിയയാണെന്ന് സ്ഥിരീകരിച്ചത്. അതിഥി തൊഴിലാളികള്‍ തിങ്ങിപ്പാര്‍ക്കുന്നിടത്താണ് ഇദ്ദേഹവും താമസിക്കുന്നത്. പ്രദേശത്ത് പ്രതിരോധ പ്രവര്‍ത്തനങ്ങള്‍ ആരംഭിച്ചിട്ടുണ്ട്.