Fyroz Mullaveettil

ദുബൈ | ഭൂമധ്യരേഖാ പ്രദേശത്തെ പസഫിക് സമുദ്രത്തിലുണ്ടാകുന്ന അന്തരീക്ഷ വ്യതിയാനമായ ‘എല്‍ നിനോ’ പ്രതിഭാസം യു എ ഇ ഉള്‍പ്പെടെയുള്ള ഗള്‍ഫ് മേഖലയിലെ കാലാവസ്ഥയെ സാരമായി ബാധിച്ചേക്കുമെന്ന് മുന്നറിയിപ്പ്. വരുന്ന ജൂലൈ മുതല്‍ നവംബര്‍ വരെയുള്ള മാസങ്ങളില്‍ രാജ്യത്ത് എല്‍ നിനോ പ്രഭാവത്തിന് 98 ശതമാനം സാധ്യതയുണ്ടെന്ന് ദേശീയ കാലാവസ്ഥാ കേന്ദ്രം (എന്‍ സി എം) വ്യക്തമാക്കി. പസഫിക് സമുദ്രോപരിതലത്തിലെ താപനില സാധാരണ പരിധിയേക്കാള്‍ ഉയര്‍ന്നതാണ് ഇതിന് കാരണം.

അബൂദബി | യു എ ഇയിലെ സ്വകാര്യ ആരോഗ്യ മേഖലാ സ്ഥാപനങ്ങളിലെ സ്വദേശിവത്കരണ നിയമത്തില്‍ സുപ്രധാന ഭേദഗതി പ്രഖ്യാപിച്ച് മാനവവിഭവശേഷി സ്വദേശിവത്കരണ മന്ത്രാലയം. പുതിയ ഭേദഗതിയനുസരിച്ച്, സ്വകാര്യ ആരോഗ്യ സ്ഥാപനങ്ങള്‍ തങ്ങളുടെ വാര്‍ഷിക സ്വദേശിവത്കരണ ലക്ഷ്യത്തിന്റെ പകുതിയും മെഡിക്കല്‍ രംഗത്തെ വിദഗ്ധ തസ്തികകള്‍ക്കായി മാറ്റിവെക്കണം. ബാക്കി പകുതി തസ്തികകള്‍ സ്ഥാപനത്തിലെ മറ്റ് വിദഗ്ധ ഭരണപരമായ തസ്തികകളിലേക്ക് നല്‍കാം.

തിരുവനന്തപുരം | പി എം ശ്രീയില്‍ മുന്‍ സര്‍ക്കാര്‍ കരാര്‍ ഒപ്പിട്ട് പണം വാങ്ങിയെന്ന് മുഖ്യമന്ത്രി വി ഡി സതീശന്‍. അതിനാല്‍ പദ്ധതിയില്‍ തുടരാന്‍ കേരളം നിര്‍ബന്ധിതരായെന്നും അദ്ദേഹം വാര്‍ത്താ സമ്മേളനത്തില്‍ പറഞ്ഞു. കരാര്‍ വ്യവസ്ഥയില്‍ ഇളവ് തേടും. പദ്ധതി സംബന്ധിച്ച് മന്ത്രിസഭാ യോഗത്തില്‍ വിശദമായ ചര്‍ച്ച നടന്നുവെന്നും വിഷയത്തില്‍ വിദ്യാഭ്യാസ മന്ത്രി എന്‍ ഷംസുദ്ദീന്‍ കണ്‍വീനറായി മന്ത്രിസഭാ ഉപസമിതി രൂപവത്കരിച്ചതായും മുഖ്യമന്ത്രി വ്യക്തമാക്കി.