Is this you? As a journalist, you can create a free Muck Rack account to customize your profile, list your contact preferences, and upload a portfolio of your best work.
Claim your profile
Articles by Hilda Wayne
Program: PNG Palaman itoktok long hevi blong El Nino long kantri
Papua New Guinea palamen iharim olsem displa taim blong El Nino, we inogat ren, emi bikpla tru we kantri ino save lukim bipo na mak long 40 pesent blong populesen ibungim hevi longen. Displa em toktok blong Gavana blong East Sepik provins, Allan Bird taim emi askim Praim Minista James Marape sapos gavman igat plen long helpim ol pipol. Mr Marape ibekim olsem displa taim blong hevi em taim blong olgeta lida long wokbung na ino wok blong gavman tasol.
Program: PNG Kumuls i winim Lebanon tasol bikpla salens bai agensim Samoa
Take your favourite podcasts and radio with you
Program: Planti samting long lainim wantaim MV Awka reskiu wok
Long displa sea reskiu operesen long solwara blong Solomon Islands long seivim moa long 70 pasindia blong sip MV Awka, ibin gat kritisisim tu long displa wok. Premier blong Temotu provins long Solomon Islands, Stanley Tehiahua itok maski igutpla olsem displa wok iseivim ol pasindia, em itok displa wok ibin delay o ino bin go het hariap.
Program: Wokbung helpim ol MV Awka pasindia long Solomon Islands
Wanpla bikpla search na reskiu operesen ibin go het long solwara blong Solmon Islands stat long las wiken long helpim moa long 70 pipol husat ibin bungim hevi long ship MV Awka. Dairekta blong operesens blong emergency respons ship HELPER 1, Dr Basil Leodoro itok sapot ikam long Vanuatu, Australia, France gavman na ol Solomon Islands otoriti long karimaut displa wok we olgeta pasindia na kru iseif.
Program: Komuniti askim ol atoriti long sekim pis idai long Middle Fly distrik
Ol pipol long Middle Fly distrik long Western provins long Papua New Guinea iaskim long wanpla gavman investigesen o wok painim imas kamap long ol pis iwok long dai long ples blong ol. Raynard Loka em wanpla komuniti lida na saveman long Middle Fly, na em ibin kisim ol ripot ikam long ol pipol na em igo het long painimaut hau displa hevi ikamap. Em itok wanpla oil palm kampani blong Indonesia iwok long het blong wara sistem blong ol istap baksait long displa hevi blong ol pipol blong em.
Program: Ol Pacific lida i sapotim human rights blong ol West Papua pipol
Take your favourite podcasts and radio with you
Program: Sir Ipatas laikim PPC Harris stap yet long Enga provins
Gavana blong Enga provins na sinia politisen long Papua New Guinea, Grand Chief Sir Peter Ipatas ino wanbel long wanpla disisen blong Marape gavman long senisim polis komanda long provins blong em. Foma Australia Federal Police opisa, Chief Sprintendent Steven Harris ibin stap olsem PPC blong Enga long stat blong displa yia na las wik, em imuvim igo long West New Britain provins. Tasol gavana Ipatas ilaikim gavman imas senisim displa disisen.
Program: Igat nid long gutpla transpot long Bougainville atols na ailan
Ol liklik ailan na atols long Autonomous Region blong Bougainville igat hevi blong gutpla transport we planti hevi iwok long kamap taim ol pipol lus long solwara. Cynthia Hakalitz em ripota wantaim NBC Bougainville na tupla kasen brata blong em ibin lus long solara 70pla dei inap ol ibin painim ol na bringim igo long Kiribati. Em itok nau long displa taim, ol pipol iwok long yusim ol liklik banana bot na ol dingi we em ino seif.
Program: Three Bougainvilleas rescued after more than 70 days lost at sea
Three Bougainvilleas have been rescued thousands of kilometres from where they began their journey after more than 70 days adrift at sea. The three set off in mid July when they ran out of fuel between Buka and Nissan Island. They were rescued by an overseas vessel and are now recovering in Kiribati. NBC PNG reporter and cousin of the survivors Cynthia Hakalitz says her cousins survived on raw turtle meat and the cocoa. "After talking with them on Sunday they were very emotional," she said.
Program: Tripla Bougainville pipol stap seif long Kiribati
Tripla pipol blong Autonomous Region blong Bougainville istap seif long Kiribati bihain long ol ilus long solwara mak long 70 deis. Tupla brata Mitchell na Darell Tokiapron na meri Horen Kapiatu ibin lusim Nissan na kam klostu long Buka long Julai 18 taim fiul blong boat ipinis na ol istat long drip igo insait Pasifik solwara. Nius meri blong NBC Bougainville, Cynthia Hakalitz itok displa em ibin hat long em iripot longen long wanem, Mitchell na Darell em tupla brata blong em.
Program: West Papua inogat luksave blong UN na ol narapla kantri
West Papua igat hevi blong human rights abuse tasol ol lida imas bihainim stret ol intanesenal loa na rot blong adresim ol displa hevi. Displa rait blong ol West Papua pipol em ol ibin rausim long 1962 long displa Act of Free Choice taim Indonesia ikisim West Papua ikam ananit long Indonesia. Frank Makanuey emi naturalised sitisen blong Papua New Guinea na papamama blong em ibin kam long PNG olsem West Papua refuji.
Program: Bougainville igat "legal standing" long kamap independent tasol West Papua inogat
Issiu blong human rights hevi long West Papua na Bougainville ino wankain long wanem Boigainville igat "legal standing" we ibihanim ol intanesenal loa na West Papua inogat. Frank Makanuey emi naturalised sitisen blong Papua New Guinea na papamama blong em ibin kam long PNG olsem West Papua refuji. Em itok Bougainville bai kisim independens long wanem emi bihainim ol intanesenal loa we igivim rait long ol pipol ivout long independens.
Program: Petisen long killim dai blong yangpla Dr Robert Waiye long Kundiawa
Ol famili blong late Dr Robert Waiye na Kundiawa provinsal hausik long Chimbu provins long Papua New Guinea highlands isalim wanpla petisen igo long provinsal gavman bihain long killim dai blong Dr Waiye. Polis ibin holim pass pinis sampla pipol oli sutim tok long oli stap insait long killim dai blong Dr Waiye wanpla wik igo pinis. Chief Ekseketiv Opisa blong Kundiawa hausik, Dr Ken Kassie itok ol toktok namel long gavman na hausik igo het yet wantaim displa petisen.
Program: Kundiawa hausik long Simbu isori long murder blong yangpla Dr Robert Waiye
Kundiawa hausik long Simbu provins long Papua New Guinea ilusim wanpla yangpla dokta husat idai long wanpla atak long taim blong makim independens dei. Late Dr Robert Waiye ibin graduet long 2024 na statim wok blong em long mun April displa yia long helpim ol pipol blong em taim em idai. Chief Ekseketiv Opisa blong Kundiawa hausik, Dr Ken Kassie itok sevenpla lain istap nau long han blong polis long displa dai. Yangpla PNG medical doctor, Dr Robert Waiye we oli bin killim dai long Kundiawa
Program: Wanbel long ol PNG sios helpim PALM wokas
Bihain long dai blong wanpla seasonal woka long Australia, igat sapot long ol sios long Papua New Guinea ihelpim ol yangpla pipol ananit long displa Pacific Australia Labour Mobility (PALM) skim. Ol lida blong ol mainlain sios long PNG iluksave olsem maski PALM iopim rot blong ol yangpla pipol long igat wok, planti salens tu istap.
Program: Enga seasonal woka dai long Victoria, Australia
Wanpla Papua New Guinea seasonal woka ibin dai long ples Shepparton long Victoria state na man husat igat sutim tok olsem em ikamapim displa dai istap long han blong polis. President blong Shepparton PNG komuniti, husat em iwanpla seasonal woka tu, Jeremiah Yambi itok displa em wanpla hevi kamap namel long tupla sesonal wokas blong Wabag distrik blong Enga provins. Em itok seasonal wok ibin opim planti rot blong ol yangpla pipol long wok long Australia na kain pasin inogutpla.
Program: Bishop Dr Urame toktok long wokbung blong helpim PALM wokas
Ol lida blong ol bikpla sios long Papua New Guinea ibungim ol mauslain blong Australia gavman na ol PNG seasonal wokas long Australia las wik. Wanpla bikpla toktok ikamap em long ol sios long PNG iken wokbung wantaim ol tupla PNG na Australia gavman long helpim ol yangpla pipol iken redi long kam wok long Australia.
Program: New Zealand lainim PNG Tok Pisin Language Week
Papua New Guinea komuniti long Wellington long New Zealand imakim Tok Pisin Week displa wik long luksave long hau displa tok ples isave bungim ol pipol blong PNG maski em ino tumbuna tok ples. President blong PNG Wellington, Ancey Waimiri itok ol PNG komuniti imekim ol wok long strongim tok pisin na tu soim pasin tumbuna blong PNG long New Zealand. Em itok ol bai mekim ol displa wok igo makim tu 51 independens anivesari blong PNG. New Zealand PNG Tok Pisin Language Week (NZ Parl)
Program: Ol sios lida blong PNG i visit long Australia
Ol lida blong ol mainline sios long Papua New Guinea i mekim wanpla raon blong ol ikam long Australia long bungim ol narapela faith-based or lotu oganaisesen na skelim ol kain wok oli save mekim long Australia. President blong PNG Union Mission blong Seventh Day Adventist Church, Pastor Danny Philip itok displa em festaim ol sios lida i bung long mekim kain wokabaot long bungim ol lida long gavman, sios na community long Australia.
Program: Ol PNG sios lida ibungim ol narapela lotu oganaisesen long Australia
Take your favourite podcasts and radio with you
Program: Famili yet isave bagarapim ol SARV viktim
Ol viktim blong sorcery accusation related violence o SARV planti taim em ol famili blong ol yet isave bagarapim laip blong ol. Melanesian Institute isave mekim planti wok painim long displa issiu ilukim planti keis blong SARV em ol man, pikinini o brata blong ol meri husat gat sutim tok blong sanguma isave kisim taim long han blong ol. Displa isave mekim hat long ol iripotim polis o go long kot.
Program: Tupla PNG gavana ino laikim gavman putim han long maining takis
Tupla gavana blong tupla maining provins long Papua New Guinea, Western na Hela provins, itokaut strong long gavman inoken putim han long moni blong ol provins we igivim planti moa long han paus blong kantri. Pastaim long PNG palamen ipasim 2026 Supplementary Budget displa wik, gavana blong Western provins, Taboi Awi Yoto itok em ino laikim gavman iputim han long tax credit scheme blong ol maining provins.
Program: Melanesian lidas long PIF toktok strong yet long West Papua
Ol Melanesian lidas long Pacific Islands Forum ikamap wantaim wanpla resolusen long issiu blong West Papua we ol ilaikim bai Indonesia imas larim ol United Nations Human Rights imas igo insait long West Papua. President blong United Liberation Movement for West Papua, Benny Wenda itok emi wanbel olsem ol Melanesian lidas ibungim tingting long sanap wantaim ol pipol blong West Papua. Mr Wenda istap long displa PIF miting na em istori wantaim Hilda Wayne long displa: Benny Wenda istap long PIF bung
Program: Planti pipol long Enga ino givim ol gan yet long gavman
Displa Papua New Guinea Firearms Amnesty na guns buy-back program igat askim longen sapos gavman fulfilim o inapim ol plen blong displa program. Long Enga provins sampla gan ouna ino bin salim gan blong ol igo long gavman long wanem ol inogat bilip bai gavman ibaim ol displa gan.
Program: Puara Jnr bringim ENB Gurias igo long PNG lig fainels
Foma biknem Papua New Guinea ragbi lig pleiya, husat ibin makim PNG Kumuls na PNG Hunters, Wartovo Puara Jnr istap redi blong bringim tim blong em, ENB Agmark Gurias igo insait long fainels blong Digicel Exxon Mobil Cup kompetisen. Gurias ibin winim Mt Hagen Eagles las wiken 42-22 na bai iredi long bungim Kandes long prelimineri fainals. Maski displa em inamba tu yia blong olsem koch, em iwanbel long olgeta sapot em yet na tim isave kisim long pilai blong ol.
Program: Madang Modilon Hospital i redi long ol hevi blong El Nino
Modilon hausik long Madang provins long Papua New Guinea imekim ol wok redi long taim blong El Nino we wara iwok long sot long provins na planti hap long kantri. Dr Juith Gawi em dairekta blong Curative Health Services wantaim Madang provinsal helt atoriti na em itok hausik igat planti moa hevi blong marasin saplai tu. Tasol Dr Gawi itok nau wantaim hevi blong wara, hausik mekim ol plen blong painim sampla helpim long displa hevi. Ol helt woka long Modilon Haus Sik (Photo: Modilon FB page)
Program: Australia i makim South Sea Islander National Recognition Day
Long aste namba 25 August em Australian South Sea Islander National Recognition Day blong makim 32 yia bihain long taim Australia Federal Gavman i luksave long ol South Sea Islander olsem oli wanpla spesol kalsa grup long kantri. Em i taim blong tingim taim oli bringim moa long 60,000 pipol blong Pacific, planti long ol ikam long Vanuatu na Solomon Islands long blackbirding taim namel long 1863 na 1908 long wok long ol sugar cane na cotton plantesen long Queensland.
Program: PNG Gavman firearms amnesti na buy-back program ino ron gut
Plan blong Papua New Guinea gavman long kamapim nesenal firearms amensti na buy-back program we istat long mun Februari displa yia bai pinis long neks mun taim PNG makim 51 yia independens anivesari. Tasol displa program ino ron gut long wanem gavman ino baim bek ol gan yet raun long kantri. Media opisa blong amnesti program, Daniel Kumbon Jnr itok long Enga provins igat hevi long politikal intafearens o ol politisen long provins ino wokbung wantaim gavman long sapotim displa plen.
Program: Tripla mun pinis inogat ren long Karkar long Madang
Take your favourite podcasts and radio with you
Program: PNG nidim sosol media polisi long stopim vailans
Wanpla organisation blong ol sios long Papua New Guinea itok ol vidio na poto nogut blong Sorcery Accusation Related Violence o SARV we ol pipol isave putim long sosol media emi save helpim long kirapim vailans raun long kantri. Melanesian Institute ibin mekim wanpla survey o wok painim we isoim klia olsem displa hevi blong SARV em sosol media isave surukim long hailans rijen igo long ol kostal rijen.
Program: PNG gavman ino mekim inap wok long SARV
Wanpla sevei blong Papua New Guinea Melanesian Institute isoim olsem PNG gavman ino mekim gutpla wok blong stopim hevi blong Sorcery Accussation Related Violence o SARV long kantri. Ol sevei i painmim aut olsem 95 pesent blong ol pipol itok nogat han blong gavman istap long strongim ol loa o helpim ol polis na atoriti long komuniti level long holimpasim ol lain ikamapim kain hevi.
Program: PNG film sho long Melbourne kisim planti sapot
Papua New Guinea awod wining consevesen piksa Sukundumi Walks Before Me ibin kisim bikpla luksave long ol pipol ilukim displa film las wiken long Melbourne siti long Australia. Emmanuel Peni emi ekseketiv dairekta blong komuniti envaironment grup, Project Sepik na em istap insait long displa film. Em ibin kam long Melbourne long displa show na Hilda Wayne ibin askim em long tingting blong ol pipal husat ibin lukim despla piksa.
Program: Sorcery Accusatiion Related Violence ikamap bikpla moa long PNG
Wokpainim isoim olsem hevi blong Sorcery Accusation Related Violence o SARV iwok long kamap bikpla tru long Papua New Guinea. Displa wokpainim em faith-based o lotu oganaisesen, Melanesian Institute ipainimaut na iaskim long gavman imas mekim moa wok long stopim hevi blong SARV. Sister Arnolda Kavanamur husat emi research opisa wantaim institut itok yus blong sosol media long PNG ikamapim bikpla hevi wantaim SARV.
Program: Panguna Erengdu tumbuna pasin blong belisi
Igat wanpla pasin tumbuna ol ikolim Erengdu we ikamap long Panguna main long Autonomous Region blong Bougainville tete na bai pinis tumoro. Displa wok em Autonomous Bougainville Gavman itok emi "Blood Cleansing" seremoni we bihainim wok blong pisbilding na rekonsiliesen long Panguna. President blong Bougainville Veterans Federation, Joe Pais itok displa pasin em igutpla long helpim ol pipol long lusim hevi blong pait na stretim rot blong divelopmen long Panguna main na Bougainville tu.
Program: Vanuatu selebretim 46th independence anniversary
Tete ol pipol blong Vanuatu long ples yet na raun long wold imakim 46 independens anivesari blong kantri. Long bik siti Port Vila yet, igat ol selebresen we ibungim ol pipol na lida long kantri na long rijen. Wanpla hettoktok praim minista, Jotham Napat imekim em long luksave long kontribiusen long ol woman long nesen bilding. President blong Timor Leste José Ramos-Horta na Papua New Guinea Praem Minista James Marape tu istap long ol selebresen long Port Vila tede.
Program: West Papua lida Benny Wenda bai visit long Australia
Take your favourite podcasts and radio with you
Program: 13pla pipol idai pinis long ENB solwara na oli painim yet 14pla
Ol reskiu na rikavari wok long East New Britain provins long Papua New Guinea ikisim mak long 13 pipol husat ibin dai long solwara. Wok igo het yet long traim painim 14pla moa pipol husat ilus yet long solwara. Displa ol 13 istap nau long mog long Nonga Base hausik long Rabaul. ENB provinsal administreta na siaman blong provinsal disasta opis, Levi Mano long givim sampla apdeit long displa hevi long audio yu ken harim. Recovery blong ol dai body long solwara tragedy (NBC News)
Program: Ol PNG lida apil long senis long helpim pikinini na yut
Displa Child and Youth ripot we National Capital District gavana, Powes Parkop ibin presentim long Papua New Guinea palamen las wik, ikirapim ol strongpla toktok namel long ol memba husat itok sistem long kantri ifailim ol yut na pikinini. Ripot ikisim sapot blong ol memba long oposisen na gavman tu husat ilaikim bai ol wok imas kamap long adresim ol hevi na salens we displa ripot iputim long ples klia.
Program: PNG feilim ol yut na pikinini long kantri
Las wik Papua New Guinea palamen iharim wanpla ripot we isoim olsem fiutcha o bihain blong kantri ino luk gutpla long wanem kantri ifailim ol yut na pikinini blong em. Siaman blong Special Parliamentary Committee na NCD gavana, Powes Parkop ipresentim displa ripot ol ikolim Child and Youth Wellbeing.
Program: PNG sapotim One China polisi
Papua New Guinea ipasim Taiwan trade opis long Port Moresby long bihainim One China polisi blong China. PNG minista blong Foren Afeas, Justin Tkatchenko itokaut long wanpla media stetment las wik olsem Nesenal Ekseketiv Kaunsil ipasim olgeta opis na wokbung wantaim Taiwan long givim luksave long displa polisi blong China olsem Taiwan ikam ananit long China.
Program: Bikpla toktok long Pasifik rilesens
Ol kantri long Pasifik ilaikim olsem ol imas igat fridom long kamapim ol trade rilesens na wokbung wantaim ol bikpla kantri olsem Australia na China tasol ol ino laikim pasin we China imekim long kamapim ol missail test long solwara blong Pasifik. Nau long displa taim, Australia isainim pinis Nakamal Agreement wantaim Vanuatu na Oceans of Peace sekuriti agriment wantaim Fiji. Displa wik tu praim minista Albanese ibin bung wantaim ol lida blong Tonga, Samoa na Papua New Guinea long Brisbane.
Program: Igat planti wok yet long redi long PNG jeneral ileksen
Igat planti wok istap yet pastaim long Papua New Guinea igo insait long bikpla nesenal jeneral ileksen namel long neks yia. Las wik tu praim minista James Marape itokaut long apointment blong nupla elektoral komisina, Dr Nicole Haley long lukautim eleksen long PNG. Displa apointment tu ibin gat planti tokpait ikamap longen. Hilda Wayne iaskim ekting Pacific Islands program dairekta long Lowy Institute, Oliver Nobetau long wanem tingting blong em long displa issiu: Ballot boxes for PNG election
Program: Mirap wok konsevesen long lukautim leatherback trosel
Ol pipol blong Mirap long Madang provis ihamamas tru long lukim wanpla leatherback trosel ikam long nambis blong ol las wiken. Mirap ward memba, Joseph Yamai itok ol pipol iwait faivpla yia long lukim displa trosel ikam bek na ol ilukautim em inap em iputim kiau na igo bek long solwara. Em itok ol mekim planti konsevesen wok long tokim ol pipol long komuniti long lukautim displa trosel.
Program: Charter flights suspended over West Papua in the wake of US pilot's death
Indonesian authorities have suspended all charter flight operations across West Papua following the killing of American pilot Nicholas Gosselin last week. Separatist group, the West Papua Liberation Army has claimed responsibility saying its fighters set fire to an aircraft operated by Indonesian airline PT AMA in Balinggama village.
Program: Wenda tok sori long dai blong US pailot long West Papua hailans
President blong United Liberation Movement for West Papua, Benny Wenda itok sori long dai blong wanpla Ameriken pailot Nicholas Gosslin long han blong ol West Papua paitman las wik. Mr Wenda itok displa eria long hailans blong West Papua em ol pipol itok em iwanpla 'no fly zone' we ol itambuim ol balus na helikopta long igo long hap. Em itok Indoesia militari iyusim kain ol balus long karim ol samting blong pait igo we ilukim planti West Papua pipol ibin dai long ol drone attak.
Program: Bougainville boxers ibin fait gut long wanpla kompetisen long Port Moresby
Mak long 8pla boxa blong Autonomous Region blong Bougainville igo long wanpla boxing kompetisen long Port Moresby we ol iwinim tripla gold, faivpla silva na fighter of the tonament awod. Wina blong 70kg fighter of the tonament, Innocent Gimots itok em ihamamas long risalts blong displa kompetisen na itok tenkyu long ol lain husat isapotim ol long makim rijen blong ol. Em itok igat plen long ol igo bek long Bougainville na kirapim boxing long komuniti blong ol. Bougainville boxer, Innocent Gimots
Program: Project Sepik Sukundumi Declaration blong ol pipol
Wanpla bikpla toktok we isoim tingting blong ol pipol blong Sepik rijen long Papua New Guinea, long sait blong maining wok long Freida main em Sukundumi Declaration. Long wanpla awod-winning film, toktok blong ol pipol na displa Sukundumi Declaration istap insait long film Sukundumi Walks Before Me. Long audio bai yu harim Shayanne Waide iwok wantaim NGO konsevesen oganaisesen, Project Sepik itoktok moa longen.
Program: Wenda i hamamas long PM Wale itokaut long West Papua issiu
President blong United Liberation Movement for West Papua, Benny Wenda itok em ihamamas olsem praim minista blong Solomon Islands, Matthew Wale na Papua New Guinea praim minista, James Marape itokaut long issiu blong West Papua human rights. Tupla Melanesian lida ibung long Port Moresby las wik FraideS na mekim planti bung toktok na wanpla longen em hevi blong West Papua. Mr Wale itok ol Melanesian lida imas kamapim ol bung toktok wantaim Indonesia long West Papua.
Program: Wenda appeal long ol Melanesian lida
President blong United Liberation Movement for West Papua, Benny Wenda imekim wanpla appeal long tupla Melanesian lida, Matthew Wale na James Marape long toktok long ol human rights hevi long West Papua. Praim minista blong Solomon Islands, Mr Wale ibungim Papua New Guinea praim minista, Mr Marape long Port Moresby stat long tete. Mr Wenda itok bung blong tupla ikamap long taim we wanpla moa drone atak ikamap long West Papua we wanpla mama idai longen.
Program: Pipol blong Kongora long Bougainville inidim moa helpim bihain long Maila
Ol relief wok igo het displa wik long sampla hap blong Kongora konstituensi long Autonomous Region blong Bougainville, long helpim ol viktims blong Tropical Cyclone Maila we ibin kamap long mun Epril displa yia. Shief ekseketiv opisa blong memba blong Kongora, Susie Banas itok planti ol relief wok ino go long ol pipol istap long ol rual komuniti. Em itok moa long 4,000 pipol blong Kongora istat long bildim bek laip blong ol tasol em ino isi.
Show More
loading
Actions
Is this you?
As a journalist, you can create a free Muck Rack account to customize your profile, list your contact preferences, and upload a portfolio of your best work.Get in touch with Hilda
Contact Hilda, search articles and posts on X, monitor coverage, and track replies from one place.
Learn more about Muck Rack