Iril Schau Johansen

Debattinnlegg I 2016 signerte dei to ordførarane i Granvin og Voss ein intensjonsavtale for samanslåing av dei to kommunane. Det skulle etablerast ein berekraftig og økonomisk solid kommune, der «positiv utvikling av Voss som regionsenter vil vera avhengig av eit aktivt og levande omland». Avtalen vart etter signering vedteken av heradsstyret i Granvin og kommunestyret på Voss.

Debattinnlegg Forvaltningsrevisjonen «Økonomistyring i Voss herad» er klar. Rapporten konkluderer med omfattande avvik som har påverka drifta i kommunen negativt, urealistiske budsjett,og vesentlege feil og manglande informasjon i rapporteringa til politisk nivå. «Økonomioppfølging og rapportering er mangelfull i høve oppdaterte tal og pålitelege prognosar som grunnlag for politisk styring». Frå Høgre si side har me gong på gong peika på at informasjonen me får, er mangelfull og kjem for seint.

Debattinnlegg «På kva grunnlag vil de leggja ned Hagahaugen barnehage?» var spørsmålet eg fekk i dag. Eg vart beden om å svara det ut skriftleg, og då gjer eg det like godt her. I utgangspunktet skulle eg ynskja me ikkje trong å leggja ned noko som helst. Men sakspapira til heradsstyret var klare på at heradet må spara pengar og klara seg med færre folk, og at me difor er nøydde til å satsa på færre og større einingar.