Kai Aage Pedersen

Kommentar Jau då. Han må tole misunnelege blikk på gata dei neste vekene. Alle fiberkundar som har vore med å betale for den enorme veksten Enivest har vore igjennom, og som enda med ein av dei dyraste telekom-oppkjøpa i landet vårt nokosinne, har vore med på spleiselaget som gjer fibersjefen i Førde rik. Men Enivest-salet til Telenor er langt meir enn det. Ikkje minst er det spennande kva oppkjøpet betyr for kundane av selskapet.

Kommentar Eg hadde frykta at ein storhall i Førde skulle bli Sunnfjord kommune sin Stad Skipstunnel. Prosjektet alle snakka om i fleire tiår, og som kanskje aldri nokon gong blir realisert. Den rause tildelinga frå Sparebankstiftinga Sogn og Fjordane gir håp om det motsette. Ein av landets største fotballklubbar i tal medlemmer kan dermed augne håp om å få dei treningsforholda dei fortener.

Kommentar Snart kjem det neste store Oslo-holet vi kan kaste skattepengar i, skreiv spaltist Mathias Fischer i eit debattinnlegg i E24 for eit par veker sidan. Det store holet han snakkar om har fått namnet Rikstunnelen. Den kostar 67 milliardar kroner, og hald deg fast: Dette er eit nytt jernbaneløp under Oslo som skal gjere det enklare for folk frå f.eks. Fredrikstad å dagpendle til Lysaker eit par steinkast unna Oslo sentrum.