Koldo Otamendi

Iñigo Telletxea, Igor Telletxea, Petti, Ruben Caballero eta Joseba Irazoki. (ELKAR) Aurten ere, iraileko hirugarren asteburuarekin batera Errekan Gora ekimena antolatu da Eskoriatzan. Atxorrotx Kultur Elkartearen ekimenez zuzeneko musika protagonista izango da herrian ostiral arratsetik igande gauera, non aurtengorako ere musika egitarau ederra prestatu duten, musikalki anitza eta koloretsua. Guztira zazpi talde ariko dira zuzenean, eta emanaldi guztiak doakoak izango dira.

Irailaren batera abian dira aretoetako emanaldiak, eta Biarritzeko Atabalen ugariak izango dira abendura bitartean antolatu diren zuzenekoak. Irailaren 18an Rüdiger ariko da zuzenean, ostiralean bertan kaleratuko den  ‘Love is a Muscle’ diskoa aurkezten, Emanaldia Amaia Mirandak zabalduko du, disko berria besapean ere. Sarrera doakoa izango da, baino gonbidapena eskuratzea beharrekoa izango da emanaldira sartzeko. Atabal aretoaren atari digitalean lortu daiteke honako loturan klik eginez.

Burutik taldeak 'Ipuinak' diskoa aurkeztuko du Arrasaten. (BURUTIK) Larunbatean Aurrera Bolie! egunaren bosgarren edizioa ospatuko da Arrasaten, eta aurrekoetan bezala egun osoko egitaraua antolatu da, non zuzeneko musikak protagonismo handia izango duen prestatu diren ekimen eta ekitaldien artean. Goizean bermut politikoa eta hitzaldia izango da, ondoren, jolasak, herri bazkaria, emanaldi akustikoa, poesia elektronikoa Irati tabernan, eta gauean kontzertua gaztetxean.