Lars Tarald Myrum

Der menneske og rein skal leve saman, må ei ta omsyn til begge artar sine behov, og desse omsyna bør ta utgangspunkt i fakta. Då må nokon seie frå når det er grunn til å tru at ein del av faktagrunnlaget for vårt område ikkje held mål. Dessverre ser ein ofte at ulike grupper med interesser i heiane vert sett opp mot kvarandre, i staden for å drøfte om faktagrunnlaget er godt nok. Stemmer kart og terreng?

I mitt førre innlegg peikar eg på at talgrunnlaget som er bruka i fleire av vurderingane som er gjort i Kvalitetsnorm for villrein er mangelfullt. Ordføraren i Valle meiner Naturvernforbundet i Setesdal har mistolka innlegget hans. Foto: Valle kommune I tilsvaret sitt verkar det som om Naturvernforbundet i Setesdal meiner at eg prøver å friskmelde heile reinstamma ved å fokusere berre på slaktevekt. Dette er ei mistolking av innlegget mitt.

Kvalitetsnormen var meint å gjere tilstanda til villreinstamma målbar i tal og verdiar, og forståeleg i trafikkljossystemet sine fargar: raud, gul, grøn. Dette er bra og viktig i ein tematikk som elles fort vert prega av sterke kjensler og upresise formuleringar. Likevel er inga forsking betre enn sitt eige talgrunnlag, og tala frå Setesdal Austhei er svært mangelfulle. Dette oppfattar eg at Tor Punsvik erkjenner i sitt motsvar.