Groot FM (South Africa)

#JouMenseMyMense – Xandre Knoetze | 08 Julie 2026  | GROOTfm 90.5 Ons het ’n versoek van Ouma Martmari ontvang oor haar kleinseun, Xandre Knoetze, en die dringende behoefte wat hy aan ’n knievervanging het. Na die versoek het ons uitgereik na Mamma Jane-Marie, en sy het hulle storie gedeel: Ongeveer nege en ’n half jaar gelede, op wat ’n perfekte Kersaand moes wees, het my seun se lewe in ’n oomblik onherroeplik verander.

#JouMenseMyMense – Rhona Bester | 01 Julie 2026  | GROOTfm 90.5 Ons het ’n boodskap van Rachelle van Tonder ontvang: Ek skryf vandag met ’n swaar maar hoopvolle hart. Ek reik uit namens my beste vriendin se ma, Rhona Bester, ’n 66-jarige vrou van Moregloed, Pretoria, wie se wêreld letterlik stadig voor haar oë besig is om te verdof. Ek ken hierdie familie al vir meer as 30 jaar, en in al daardie tyd was Rhona vir my soos ’n tweede ma.

#JouMenseMyMense – Endre Venter | 17 Junie 2026  | GROOTfm 90.5 Hier waar ek nou vir jou sit en tik, het ons nie ’n sent op ons naam nie. Ons word mal gebel deur al die mense wat betaal moet word. En dan die gedagtes aan wat ons kinders alles nodig het…” Dis die woorde van Ma, Veronique Venter, ook bekend as Mickey, wie se 13-jarige seun, Endre, met ’n neurologiese afwyking stoei.

#JouMenseMyMense – George Watson | 10 Junie 2026  | GROOTfm 90.5 Die 14-jarige George Watson is op ’n jaar en drie maande oud gediagnoseer met Dandy Walker Malformation Syndrome. George kan nie loop, praat of self eet nie, drink steeds tietie bottel, dra doeke en sy mylpale is soos dié van ’n baba tussen 6 en 12 maande. Sy seizures het die afgelope tyd baie vererger en party aanvalle is so ernstig dat sy ouers hom gereeld hospitaal toe moet jaag.

#JouMenseMyMense – Elzani McCormick | 03 Junie 2026  | GROOTfm 90.5 EPOS wat ontvang is: Ek skryf vandag aan julle oor ’n jong ma wat by die huis behoort te wees om haar pasgebore baba vas te hou, maar wat eerder elke dag veg om die lewe wat sy geken het terug te kry ná alles so skielik verander het. Op 6 Januarie 2026 het Elzani McCormick haar babadogtertjie in die wêreld verwelkom. Dit moes ’n tyd gewees het gevul met liefde, binding en nuwe begin.

#JouMenseMyMense – Nakita | 27 Mei 2026  | GROOTfm 90.5 Eleos, wat beteken “genade in aksie”, is ’n liefdadigheidsorganisasie wat al 28 jaar lank opheffingswerk doen in die weste van Pretoria. Doepie en Nina op ONTBYT het ’n storie gedeel van hoop, van volharding, en van mense wat mekaar dra wanneer dit moeilik raak.

#JouMenseMyMense – Janneke Müller | 13 Mei 2026  | GROOTfm 90.5 Die 26-jarige Janneke Müller is gediagnoseer met ’n paraganglioom tussen haar skedel en brein. Haar Ma, Marisa Scheepers, wat die versoek ingestuur het, sê haar storie is een van wnoderwerk op wonderwerk van hoe die Here haar en vir ons deur alles bewaar en gelei het. Dit het skade aan die senuwees in haar gesig veroorsaak, wat gelei het tot verlamming aan die een kant van haar gesig.

#JouMenseMyMense – Natasha Kemp | 06 Mei 2026  | GROOTfm 90.5 Ons het ’n versoek ontvang van Shanelle, rakende haar 39-jarige suster, Natasja, wat tans veg vir haar lewe teen aggressiewe HER 2-positiewe borskanker. Sy het in Januarie vanjaar reeds ‘n dubbele mastektomie ondergaan, maar sy het dringend Herceptin nodig, ‘n lewensreddende behandeling wat spesifiek hierdie tipe kanker teiken.

#JouMenseMyMense – Lente van Jaarsveld | 22 April 2026  | GROOTfm 90.5 In Desember 2025 het Gerhard, Karin en Lente van Jaarsveld vertrek op ’n familie-wegbreek en tussen Heidelberg en Nigel is hulle toe in ’n baie groot motorongeluk. Die ongeluk is veroorsaak deur ’n band wat gebars het van ’n voertuig wat van voor af gekom het. Gerhard en Karin het in ’n oomblik van nood desperaat tot God geroep en gepleit terwyl hulle hul twee-jarige prinses uit die wrak probeer red het.

#JouMenseMyMense – Georgine Botha | 15 April 2026  | GROOTfm 90.5 Georgine Botha (47), beter bekend as Gina, is vir meer as 15 jaar betrokke by die Pretoria Boeremark. Sy staan tans as hoof van die 25 karwagte by die Pretoria Boeremark en haar verantwoordelikhede sluit in al die logistieke en sekuriteit – van oggend- tot aanmarkte.