Sandra Brekk Sandvik

Debattinnlegg Me i FAU ved Gjernes, Hagahaugen, Kløve og Bulken barnehagar reagerer sterkt på rådmannen sitt framlegg om å samla fleire barnehagar i ein stor institusjon midt på Vangen. Dette er ikkje eit framtidsretta barnehagetilbod – verken for barna, foreldra eller bygdene rundt Voss. Ingen foreldre ønskjer at ungane våre skal ha barnehagekvardagen sin midt i trafikkaos, eksos og asfalt.

Debattinnlegg Trym er 2 år, Brage er 5. To gode brør som elskar å leika ute i barnehagen sin – Gjernes barnehage. Der spring dei på graset, klatrar mellom trea og kjenner vinden frå fjellet. Dette er barnehagen der dei høyrer til – vekke frå sentrum, midt i naturen i nærmiljøet sitt. Gjernes barnehage og Gjernes skule er næraste naboar, berre eit lite gjerde mellom. Det gjerdet betyr meir enn folk trur.

Debattinnlegg Voss herad si visjon er å vera eit sterkt regionsenter med levande bygder. Men no verkar det som om heradet gløymer sine eigne ord. For kva skjer med dei levande bygdene når ein vil leggja ned barnehagane der – for å byggja ein ny, stor asfaltbarnehage midt i sentrum? Me på Gjernes veit kva me har, og kva me står i fare for å miste. I Gjernes barnehage har me naturen som næraste nabo. Når me opnar døra om morgonen, står me midt i det grøne: gras, tre, ein liten bakke.