Showbiz Update

Sa Saturday na, Dec. 16, ang Parada ng mga Bituin ng 49th Metro Manila Film Festival (MMFF) na magaganap sa CaMaNaVa (Caloocan, Malabon, Navotas, Valenzuela) area, na magsisimula sa Navotas Centennial Park, tutuloy ito ng C4, Samson Road, at McArthur Highway patungong Valenzuela People’s Park. Ang tanong ng netizens, saan kayang float sasakay ang tulad nina Piolo Pascual at Dingdong Dantes na dalawa ang entries sa festival?

Puring-puri ng award-winning actress na si Heaven Peralejo ang bago niyang director: “One of the best directors I’ve ever had” say niya kay Alden Richards. Bukod kasi sa pagbibida ni Alden sa Out of Order, siya nga rin ang director at producer nito at artista rin siya, kaya siya ang leading man ni Heaven. Dagdag pa ni Heaven sa first collab nila ni Alden, “Exciting Alden is… he’s a first-time director pero he knows what he wants.

Five months na raw gigil na gigil si Allan K na isigaw sa buong mundo ang linyang “Eat Bulaga” dahil five months na raw nilang isinisigaw ang E.A.T. na hindi nga nila nakasanayan. Ayon pa kay Allan K, iyon daw ang gusto nilang isigaw dahil iyon ang nakasanayan na nila. “Ako personally 28 years ko na itong isinisigaw kaya gigil na gigil na ako talagang isigaw ito. Iyon kasi ang gustong isigaw rin ng audience.” Natanong si Allan ng reaksyon niya nang mag-guest si Alden Richards sa It’s Showtime?