Edu Lartzanguren

Gazte bat balitz, unibertsitate ikasketak amaituak lituzke, edo lanean dezenteko esperientzia pilatua luke honezkero. Ekainaren 21ean BERRIAk 23 urte beteko ditu. Etorkizunari itxaropenez eta grinaz begiratzen dion gaztea da, baina, Euskal Herriko bere adineko edozein gaztek bezala, independentziarako bidean esker onez hartuko luke ingurukoen laguntza eta bultzadatxoa. Egun hauetan, kanpaina berezi bat egiten ari da BERRIA, lagunak inguratzeko.

Israelek Irango hiriburua gerra hegazkinekin bonbardatu du gaur. Hainbat leherketa entzun dira Teherango erdialdean, eta baita iparraldean zein ekialdean ere. Israelek bonbardaketa egin dutela baieztatu du, eta Israel Katz defentsa ministroak esan du «prebentziorako erasoa» izan dela, «Israelgo estatuaren aurkako mehatxuak suntsitzeko». Joan zen ekainean bonbardatu zuen Israelek Iran azken aldiz. 12 egunez jo zuten herrialdearen instalazio nuklearren kontra, Ameriketako Estatu Batuen laguntzaz.

«Eskerrik asko, presidente jauna, gu hemen hartzeagatik, eta eskerrik asko Venezuela hobe bati ateak irekitzeagatik». Hala esan dio bart Josu Jon Imaz Repsol konpainiako ordezkariak Donald Trump Ameriketako Estatu Batuetako presidente Donald Trumpi Etxe Zurian. Duela astebete Nicolas Maduro Venezuelako presidentea bahitzeko operazio militarra gauzatu ostean, Trumpek munduko hainbat petrolio konpainia bildu ditu Washingtonen, Karibeko herrialdearen baliabideen ustiaketaz hitz egiteko.