Leire Rodero Ares

Giro berezia sumatzen zen La Sinsorga kulturgune feministan, Bilbon, asteazken iluntzean. Ahotsek, barreek eta esku artean ageri ziren kopek osatzen zuten giroa. Ikus-entzule gehienak emakumezkoak ziren, nahiz eta tartean gizon batzuk ere ikusten ziren. Adin guztietako jendea bildu zen Uxue Alberdi eta Miren Amurizaren solasaldia entzuteko. Aurkezpenarena baino gehiago, lagunarteko topaketa baten itxura hartu zuen hasieratik, eta liburuek horretarako aitzakia ezin hobearena.

Asfaltoaren eta zarataren erdian, berdeguneak hiriko bizitza arintzen duten arnasgune txikiak dira. Itzala eta paseatzeko guneak eskaintzeaz gain, airea garbitu, beroa eta estresa apaldu, eta herritarrak naturarekin lotzen dituzte. Halako gune gutxi dauden edo hiri plangintza txarra den lekuetan, agerian gelditzen da berdegunerik ez izateak eragina duela bizi kalitatean, txarrerako.

Bizkaiko historiaurrearen inguruan ezagutzen zena berrikustera garamatzaten bi labar-arte multzo aurkeztu dituzte gaur Bilboko Arkeologia Museoan. Zenbait arkeologo taldek gidatutako ikerketen emaitza dira; haien izenean Juan Carlos Lopez Quinana arkeologoa eta Iñaki Intxaurbe ikerlaria mintzatu dira, eta Neolito garaiko zein Goi Paleolitoko aztarnak jarri dituzte agerian. Lurraldeko lehen komunitateen bizimodua hobeto ulertzeko aukera eskaintzen dute.