Lovísa Arnardóttir

„Við söfnuðum yfir 100 undirskriftum og fundum hentugt húsnæði í Reykjavík til að opna kjörstað fyrir komandi kosningar í Serbíu, eins og kosningalög gera kröfu um. Engu að síður hafa yfirvöld í Serbíu neitað okkur um að opna kjörstað hér, sem sviptir mörg okkar lýðræðislegum kosningarrétti þar sem næsta sendiráð er í Osló,“ segir stærðfræðikennarinn Mladen Živanović en hann hefur verið búsettur á Íslandi síðustu ellefu árin og er í dag kennari við Landakotsskóla.

Bíll valt á Vesturlandsvegi við Bauhaus síðdegis í dag í kjölfar áreksturs. Stefán Már Kristinsson, varðstjóri hjá Slökkviliðinu á höfuðborgarsvæðinu, segir ekki mikil slys á fólki. Nokkrar umferðartafir voru á meðan bílunum var komið af veginum. Búið er að opna fyrir umferð. „Við erum á vettvangi, þar urðu ekki mikil slys á fólki en það valt bíll eftir árekstur. Hann er kominn á hjólin aftur,“ segir Stefán. „Það losnar vonandi fljótlega um þær,“ segir hann og unnið sé að því að koma bílunum burt.

Opnað var fyrir umsóknir til úthlutunarnefndar í ágúst og rann frestur til að sækja um út þann 1. september. Úthlutunarreglum var breytt í sumar en síðasta úthlutun var í desember 2025 þegar um 550 milljónum var deilt til 28 einkarekinna fjölmiðla. Birtíngur fékk í þeirri úthlutun rúmar ellefu milljónir í styrk. Í nýjum lögum var stuðningur við einkarekna fjölmiðla, í formi endurgreiðslu á ritstjórnarkostnaði, framlengdur um fimm ár.