Mikel P. Ansa

Mitoaroaren hirugarren ekitaldiaren oihartzunak ez dira itzali oraindik San Mamesen, eta hurrengo saiorako motorra piztuta daukate dagoeneko Zetak taldeko kideek. Beste ikuskizun bat iragarri dute urtarrilerako, eta igande honetan, ekainak 21, jarriko dituzte sarrerak salgai. BERRIAlagunek aukera izango dute sarrerak aurretiaz eta merkeago erosteko. BERRIA dendan izango dute horretarako aukera, 10:00etatik aurrera.

Orain normala ematen du. Sinplea da, erraza. Botoi bati eman, aparatu bat piztu, eta hor dabil irratia euskaraz; dozenaka irratitan, izan nazionalak, izan tokikoak edo izan libreak. Are, aplikazio, webgune eta plataformetan ere bai, hor dabiltza euskarazko podcastak. Baina orain erraza eta sinplea dena ez zen batere normala duela 50 urte; irrati estazio gutxi batzuek euskarari leku pixka bat egiten zioten arren, uhinek erdaraz egiten zuten batez ere.

Bilboko mendizale bat hilik topatu dute Espainian, Arredondo inguruan (Kantabria). Larunbatean mendi itzuli bat egitera atera zen mendizalea, gizonezko bat, eta gauean haren senide batek eman zien abisua larrialdi zerbitzuei, ez zelako itzuli. Harrezkero mendizalearen bila aritu dira, eta igande arrats honetan topatu dute gizonaren gorpua. Bilaketa lanetan 40 bat pertsona aritu dira, poliziak, larrialdi zerbitzuetakoak, eta beste, eta lurreko eta aireko ibilgailuak baliatu dituzte.