Salka Hauksdóttir

Í grunnskólum landsins eru að verða kaflaskil. Ný reglugerð mennta- og barnamálaráðuneytisins um notkun síma og snjalltækja í grunnskólum markar tímamót í því hvernig við búum börnunum okkar heilbrigt og öruggt umhverfi á skólatíma. Við hjá Heimili og skóla – landssamtökum foreldra fögnum þessu skrefi heils hugar. Við höfum lengi talað fyrir því að huga betur að stafrænu umhverfi og að skólar séu staður náms, leiks og samveru. Reglugerðin sem nú liggur fyrir er tímabær, vel útfærð og nauðsynleg.