Sinisha Nenadiq

Ramiza Gurdiq humbi dy djemtë dhe bashkëshortin në gjenocidin në Srebrenicë. Vajza e Fikret Grabovicës u vra nga një granatë gjatë luftës në Sarajevë. Më 27 gusht - ditën kur vdiq Ratko Mlladiq, ish-komandanti i Ushtrisë së Republikës Sërpska, i dënuar për gjenocidin në Srebrenicë dhe rrethimin e Sarajevës - ata folën për Radion Evropa e Lirë për tragjeditë që i goditën familjet e tyre, por edhe për njeriun që e konsiderojnë përgjegjës për ato krime.

Aisha Omeroviq humbi dy djemtë e saj dhe edhe 40 anëtarë të familjes në gjenocidin në Srebrenicë. Para 24 vjetësh, ajo u kthye në vendin ku u vranë të afërmit e saj. Më shumë se tri dekada më vonë, ajo flet për humbjen, kujtimet dhe jetën pas gjenocidit.

Në korrik të vitit 1995, Ademi ishte vetëm tetë vjeç. Sot, kujton kohën kur, bashkë me nënën dhe motrën më të vogël, u detyruan të largoheshin nga fshati i tyre, Sastavci, afër Srebrenicës. Kujton autobusët, kamionët dhe momentin kur, me të arritur në Potoçari - zonë e mbrojtur atëkohë nga Kombet e Bashkuara - një ushtar i Ushtrisë së Republikës Sërpska u përpoq ta ndante nga nëna. Në atë kohë, burrat dhe djemtë ndaheshin me forcë nga gratë dhe vajzat.