Ayomide Adams

Ta ló kú? (Who died?) — A poem by Ayọ̀ Adams Ta ló kú? Ọmọ ẹnìkan kọ́ o Ẹ̀dùn ọkàn mi ló gun òkè nla kan lọ tó jábọ́ Òhun nìkan ló jábọ́, gbogbo ara ní ń ro alára Ẹjọ́ fi ẹlẹ́jọ́ sílẹ̀, ó gbá alápẹ́pẹ́ lójú Ta ló kú? Ọmọ ẹnìkan kọ́ o Ìgbẹ́kẹ̀lé mi nínú ènìyàn ni Bí wọ́n bá hàn ọ́ ní èèmọ̀ tán Ọmọ aráyé á tún ni, kílódé tí ò ń sunkún? Àjàlá ta ń ná ọ̀? Ẹ̀yin náà kọ́hun? Ta ló kú? Ẹnìkan kọ́, ọ̀rọ̀ ayé ní n gbá omijé lójú gbogbo wa.

Ajínigbé láti ọwọ́ Ayọ̀ Adams — (Ep. 3) “Olólùfẹ ni èmi àti Èyíwùmí ni ìgbà ti a wà ní Yunifásìtì Ìlọrin. Òdú sì ni ọ̀rọ̀ ìfẹ́ àwa méjèèjì, kìí se àìmọ̀ fún ẹnìkan ni ìgbà náà. Èyíwùmí fi ẹwà tó tàn yòò bí i ọjọ́ wùmí. Ìwà rẹ̀ tó tutù minimini bi àdàbà ló jẹ́ kí n fi ayé mi fún bíi olùgbàlà. Bí ẹ bá rí Èyíwùmí, ẹ ti rí mi.

Ajínigbé láti ọwọ́ Ayọ̀ Adams — (Ep. 2) “Kíni o ṣẹlẹ̀ gangan ní Èjìòkú?” mo bèrè lọ́wọ́ Láànì bí mo ti n kọ ǹkan sínú ìwé tí mo fí n gba ọ̀rọ̀ sílẹ̀. Láànì n fi ọwọ́ ra àpá tí ń bẹ ní iwájú orí rẹ̀ ni ẹ̀kọ̀kan. Ó mí kanlẹ̀ bíi ọkọ̀ tó yọ ọwọ́ iṣẹ́ l’ójijì. Àyà mí já, mo ní, “Misita Láànì, are you sure you want to talk about this?” “Ajíláàláọ̀ṣọ́, ìnáwó ìgbéyàwó àwọn ọ̀rẹ́ wa kan ni mo lọ ni Kúdẹtì ni ìgbà kan báyìí.