Øyvind Berge Sæbjørnsen

I dag var det opningsfest for Karsten Warholm stadion i Ulsteinvik. Mannen som no har fått ein stadion oppkalla etter seg i ein alder av 30 år, var sjølvsagt på plass for å markere opninga. – Det var heilt fantastisk. Og å få gjere det med så mange grøne drakter og dei unge lovande. Oppmøtet vi har er rørande, seier Warholm. Også kjende namn som Amalie Iuel, Henriette Jæger og Sander Aae Skotheim er på plass.

På Averøya høljar regnet ned, og fleire utanlandske fisketuristar ligg inne i fjorden og fiskar, i le for vinden. At fire turistar som la ut på fisketur fredag føremiddag aldri kom tilbake, pregar heile miljøet. Politiet vurderer fortløpande om dei skal ta opp att søket etter dei omkomne. Berre ein av dei fire er så langt funnen. Kystvakta søkte i timevis etter dei fire personane som var sakna. Båten deira vart funnen tom.

I store stimar går cruiseturistane dei 418 trappetrinna frå Ålesund sentrum til byfjellet Aksla. Dei som ikkje vil gå, set seg i staden på turisttoget, eller bestiller drosje. Men biltrafikken har skapt kaos og farlege situasjonar for dei som bur langs ruta. NRK har tidlegare fortalt om småbarnsfaren som ikkje torer sleppe barnet ut åleine i turistsesongen. Bytrappene frå Ålesund sentrum er svært populære. No kan det bli heis i fjellet for dei som ikkje vil gå.